Advertisement
 
 
 
 
 
 
 
 

Amakuru | Mu Ntara | Intara

Rusizi:Uwatwikiwe mu gihe cyo Kwibuka ku nshuro ya 21 yahumurijwe   

  Yanditswe na BAHUWIYONGERA SYLVESTRE
 April 2016

 
 

Ku wa 7 Mata umwaka ushize ubwo hari hatangiye igihe cyo kwibuka ku nshuro ya 21 Jenoside yakorewe abatutsi, umukecuru witwa Mukangwije Vérène w’imyaka 64, utuye mu mudugudu wa Kayenzi, akagari ka Ryankana, mu murenge wa Bugarama, mu karere ka Rusizi yatwikiwe ikiraro n’abantu batigeze bamenyekana.

Abo bagizi ba nabi bakimara gukongeza ikiraro cy’inka, ku wa 07 Mata 2015, abana bari bari gukinira hafi yacyo batari bagiye mu biganiro bahise babibona, batabaza abandi baturage baza biruka bahita bakizimya inka zari zirimo yorojwe zitarashya.

Muri gahunda yo kwibuka ku nshuro ya 22, uyu mukecuru yasuwe na Visi Perezida w’Inteko ishinga amategeko umutwe w’abadepite, Mukama Abbas, asiga amusezeranyije kubakirwa inzu y’amasaziro.

JPEG - 358.3 kb
Aha mu rusengero ni ho Mukangwije Vérène arara kuko nta nzu agira (Foto Bahuwiyongera S)

Uyu mukecuru warokotse Jenoside yakorewe abatutsi yabwiye abayobozi batandukanye bamusuye ko atagira inzu abamo, akaba arara mu rusengero, akaba yishimiye ko noneho agiye kubakirwa inzu akareka kurara mu rusengero.

Yagize ati:“Ndara muri uru rusengero kuko nta handi mba, ariko na ho mpararana umutima uhagaze kuko nk’umwaka ushize uretse kuntwikira ikiraro, namaze amezi 3 yose nterwa amabuye ku mabati, kuva ku wa 7 Mata kugera ku wa 3 Nyakanga.

Ubu na bwo nkaba nikanga umutekano muke, ku buryo numva nava hano mba, ubwo bemeye kunyubakira ndumva nsubijwemo imbaraga, kuko hano mbayeho nabi rwose, nta bundi bufasha mbona, uretse inka nahawe na FARG, ubundi mbara ubukeye.”

Yavuze ko yishimiye kuba ubuyobozi buje kumufata mu mugongo, asaba ko bahora baza kuko yumva ari bwo aba ahumurijwe.

Visi Perezida w’Inteko ishinga amategeko, umutwe w’abadepite, Depite Mukama Abbas, yavuze ko nyuma yo kumva akababaro uyu mukecuru arimo, bahisemo kumusura ngo bamuhumurize ntiyumve ko ari wenyine, kandi ko hanafashwe icyemezo ko agomba kubakirwa inzu nziza akimuka mu rusengero na rwo rumeze nk’urushaje.

Yagzie ati:“Ntako uriya mukecuru ameze rwose, twasabye umurenge ko wakora ibishoboka byose ukamwitaho, na CNLG ikaba yemeye ko mu ngengo y’imari y’umwaka utaha uyu mukecuru yazubakirwa. Twamusanze mu rusengero ni ho aba, kubakirwa bikaba ari byo byaba byiza, n’iriya nka yahawe na FARG igakomeza kumufasha agasaza neza.”

Yakomeje agira ati:“Niyiziye nzanye na Meya n’abandi bayobozi, kandi nanjye nk’umuntu ukomoka hano sinshaka kuzahagaruka ngo ningira icyo mvuga bavuge ngo n’ibyo navuze ntacyo byatanze, akaba ari yo mpamvu ngomba kubikurikirana.”

Uyu mukecuru avuga ko asaba gukomeza gucungirwa umutekano kuko ahorana ubwoba ko abamutwikiye ikiraro umwaka ushize bashobora no kumusanga muri urwo rusengero bakamugirira nabi.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.