Advertisement
 
 
 
 
 
 
 
 

Amakuru | Mu Ntara | Intara

Rusizi:Uwahoze ari umujura ruharwa arakebura abatarareka iyo ngeso   

  Yanditswe na BAHUWIYONGERA SYLVESTRE
 August 2016

 
 

Nzeyimana Jean w’imyaka 38, utuye mu kagari ka Burunga, mu murenge wa Gihundwe, mu karere ka Rusizi, arasaba abajura kubivamo hakiri kare, kuko nta nyungu na mba uyu mwuga wabaha.

Uyu mugabo avuga ko yatangiye ubujura afite imyaka 10 gusa, aza kuyifungirwa imyaka 12 yose, ariko yahisemo kuyireka kuko nta nyungu yayibonyemo.

Uyu mugabo wemeye kuganira n’Imvaho Nshya, avuga ko atagize amahirwe yo kwiga kubera ko nta bushobozi iwabo bari bafite bwo ku mushyira mu mashuri abanza, bituma afite imyaka 10 gusa atangira uburara mu mujyi wa Kamembe, atangira kujya atoragura ibishyimbo na kawa ku mangazini akabigurisha akabona ayo kurya.

JPEG - 188.8 kb
Nzeyimana Jean asaba abakiri mu ngeso y’ubujura kuyireka kuko nta nyungu na nto ibamo(Foto Bahuwiyongera S)

Nyuma ngo yaje kubona bidahagije, kubera abandi bana bagendanaga n’abantu bakuru b’abajura babimwinjizagamo, atangira iyo ngeso kugeza ubwo yabifungirwaga.

Yagize ati:“Natangiye kujya nkora mu mifuka y’abagenzi, ntangira no kujya negera imodoka umuntu yarangara ibyo ateretsemo nkabitwara, nkajya mu mangazaini uteretse icyo amaze kugura arangaye gato nkaba ndakijyanye.

Umucuruzi yarangara gato nkaba ndabiteruye, mpinduka igisambo ruharwa, ku buryo ibyo twibaga twabimanukanaga aho bita mu Rushakamba hahoze ari indiri y’abajura na n’ubu tukabigabana, umuntu yadukurikira tukaba twanamwica.”

Avuga ko amafaranga yaje kumukoraho ari 700.000 bateruye bakayamanukana aho mu Rushakamba bakayagabana, bagakurikiranwa aho yafashwe agafungwa imyaka 12 kugeza afunguwe mu mwaka wa 2011, akajyanwa mu ngando.

Yagize ati:“Nakomeje gukuza ingeso, ntangira kwiba n’abanyekongo baje Kamembe batazi ibyaho, ariko ayankozeho ni ay’umugabo n’ubu simuzi, yashyize igikapu mu modoka,ndamucunga ndagiterura nkimanukana mu Rushakamba na bagenzi banjye.

Twasanzemo amafaranga 700.000 turayagabana, ayanjye ndayataba, icyakora turafatwa tujyanwa muri Gereza ya Rusizi, hari mu 1999, ngezemo numva ijambo ry’Imana, ndihana, ndakizwa, mvugisha ukuri, ntangira inzira y’agakiza muri 2002 mbatirizwa muri gereza, mfungurwa muri 2011.”

Avuga ko yumvise bavuga ko abafite ibyaha bisanzwe bitewe n’ibyaha n’igihe bamazemo bafungurwa kuko ngo atari yarakatiwe n’inkiko, kandi amazemo imyaka 12 yose, afungurwa atyo ajyanwa mu ngando y’amezi3 i Muhari mu murenge wa Gihundwe, arayirangiza avamo yiyemeje gukangurira abakora ingeso mbi zose kuzivamo.

Avuga ko yatangiye ubujura angana atyo kubera kutitabwaho n’ababyeyi be, agasaba ababyeyi kwita ku bana bakabashakira imibereho myiza.

Avuga ko n’abakuru bigisha abana ingeso mbi bakwiye kuzireka kuko nta nyungu irimo, akavuga ko aho yabirekeye afite amahoro asesuye, yashatse akaba afite abana 3 kandi abayeho neza, agasaba n’undi wese utekereza ubujura kubuvamo, kuko n’ayo mafaranga yafungiwe yasize ayatabye, yaza agasanga yarapfuye ntacyo akimumariye.

Umuturanyi we Karwanyi Sebastien, avuga ko akurikije uko amubona yahindutse, kuko ari intangarugero mu mudugudu, ngo nta bibazo abateza.

Aravuga ibi mu gihe mu mujyi wa Rusizi abaturage binubira abajura barimo n’abatobora amazu bokemeje kuba benshi.

 

Comments

 
 
Rusizi: Arasaba bagenzi be kugira uruhare mu kwibungabungira umutekano
Rusizi: Arasaba bagenzi be kugira uruhare mu kwibungabungira umutekano

Batizigira Marguerite w’imyaka 70, utuye mu mudugudu wa Nyagahanga, akagari ka Murya, mu murenge wa Nzahaha mu karere ka Rusizi, asaba abaturge bagenzi be kugira uruhare mu kwicungira umutekano, (...)

Nyabihu:Abaturage barasaba gusanirwa amavomero yabo yangijwe n’ibiza
Nyabihu:Abaturage barasaba gusanirwa amavomero yabo yangijwe n’ibiza

Abaturage bo mu mirenge ya Rambura, na Karago yo mu karere ka Nyabihu, baratangaza ko babangamiwe no kutagira amazi meza, nyuma yuko umuyoboro bari barubakiwe usenywe n’ibiza. Ubuyobozi (...)

Kirehe: Batatu bafungiwe kwiba icyuma gikoreshwa mu kuhira imyaka mu mirima
Kirehe: Batatu bafungiwe kwiba icyuma gikoreshwa mu kuhira imyaka mu mirima

Polisi ikorera mu karere ka Kirehe ifunze abagabo batatu aribo Dushimirimana J.Baptiste w’imyaka 23 y’amavuko , Asiimwe Fred w’imyaka 37 na Niyomugabo Marcel w’imyaka 27; bafashwe nyuma y’umukwabu (...)

Ngoma:Imirenge 3 yahawe ba Gitifu bashya
Ngoma:Imirenge 3 yahawe ba Gitifu bashya

Umuyobozi w’akarere ka Ngoma Nambaje Aphrodise yakiriye indahiro z’abayobozi bashya b’imirenge 3 yo mu muri aka karere, abasaba gukorera mu mucyo no kurangwa n’ubwitange mu gitondo cyo kuwa 10 (...)

Rubavu: Abaturage bo mu Rugerero bijejwe kwegerezwa amazi meza vuba
Rubavu: Abaturage bo mu Rugerero bijejwe kwegerezwa amazi meza vuba

Ubuyobozi bw’umurenge wa Rugerero mu karere ka Rubavu burizeza abaturage batuye mu kagari ka Kabirizi katagira amazi meza ko bazayashyikirizwa nyuma y’ikorwa ry’umuhanda w’igitaka uhuza aka Kagari (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.