Advertisement
 
 
 
 
 
 
 
 

Amakuru | Mu Ntara | Intara

Rusizi: Umusore yarohamye mu Kivu arapfa   

  Yanditswe na BAHUWIYONGERA Sylvestre
 5 months ago

 
 

Bakundukize John w’imyaka 20 y’amavuko yarohamye mu kiyaga cya kivu ubwo yageragezaga koga umurambo we ubonwa mu ma saa munani z’amanywa ku cyumweru.

Uyu musore ukomoka mu murenge wa Karambi,mu karere ka Nyamasheke ngo yari asanzwe acuruza amandazi muri uyu mujyi.

Ubwo yari ayashyiye abanyeshuri mu ishuri ryisumbuye rya Jill Barham riri mu murenge wa Gihundwe muri aka karere ari kumwe na mugenzi we basanzwe bayacuruzanya bagiye no koga aba ariho arohamira.

Nk’uko Imvaho Nshya yabitangarijwe n’umunyamabanga nshingwabikorwa w’umurenge wa Gihundwe, Muganga Alain Emmanuel, ngo uyu musore ntiyari azi koga, mu gihe bagurishaga aya mandazi, bagiye ku Kivu, mu ruhande rw’umudugudu wa Gahwazi,mu kagari ka Kamatita, muri uyu murenge, mugenzi we ubizi amubwira gusigara imusozi akabanza akoga, akaza kubimwigisha nyuma.



Muganga yasobanuye ko mu gihe uwo musore wundi yogaga, yanageze kure mu mazi hagati,uyu Bakundukize atategereje ko agaruka ngo amwigishe koga nk’uko yari abimubwiye,ahubwo ngo yahise na we yiroha mu kivu atangira koga ari na bwo yanahise arohama apfa atyo,undi aje kumutabara asanga yibiye hasi mu mazi ahita ajya gutabaza abaturage,abayobozi n’inzego z’umutekano.

Hahise hakurikiraho ibikorwa byo kumushakisha no gutumaho umuryango we,dore ko n’uyu wundi bari baturanye aho iwabo,umurambo ukaba wabonetse ku cyumweru amaze amasaha 24 arohamye.

Gitifu Muganga yasabye abaturage cyane cyane urubyiruko kutishora mu Kivu ko babonye.

Ati” Turasaba aba bose kudapfa kujya mu Kivu ngo bagiye koga batabizi,kandi umuntu ntiyanagombye kwiroha mu kivu atambaye imyambaro yabugenewe nubwo yaba azi koga kuko bishobora gukurura imfu zitunguranye. Ikindi ni uko igihe impanuka nk’iyi ibaye abaturage bagomba guhita babimenyesha ubuyobozi kugira ngo ubutabazi bukorwe byihuse.’’

Umuryango we uravuga ko umurambo we ugomba gushyingurwa kuri uyu wa mbere umaze gukorerwa isuzuma ryose rya ngombwa na muganga mu bitaro bya Gihundwe.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.