Advertisement
 
 
 
 
 
 
 
 

Amakuru | Mu Ntara | Intara

Rusizi: Umusore bikekwa ko yari yasinze yagonzwe n’ikamyo arapfa   

  Yanditswe na BAHUWIYONGERA Sylvestre
 1 month ago

 
 

Rukundo Eric, w’imyaka 22, wari ucumbitse mu kagari ka Burunga, umurenge wa Gihundwe, mu karere ka Rusizi, yapfuye agonzwe n’igikamyo cya rukururana mu ma saa saba z’ijoro ryo ku wa Gatandatu mu mujyi wa Rusizi rwagati.

Bamwe mu bari bahari bavuga ko ashobora kuba yari yasinze kuko yasanganwe icupa ry’inzoga izwi nka siruduwili aho yagongewe.

Uwari amucumbikiye, Sibomana Idrissa, yabwiye Imvaho Nshya ko bamukanguye saa saba z’ijoro bamubwira ko uwo musore wabaga iwe yagonzwe n’ikamyo yari yikoreye sima iyivana i Bugarama iyijyanye i Kigali.

JPEG - 190.2 kb
Aho hashyizwe umucanga mu muhanda mu mujyi rwagati ni ho basanze umurambo we

Sibomana avuga ko ubwo nyakwigendera yahungaga moto na yo yari igiye kumugonga muri ayo masaha, yahise yinjira mu gice cy’inyuma cy’icyo gikamyo, kimuca hejuru umutwe urajanjagurika, urubavu na rwo rurashwanyagurika.

Inzego z’umutekano zahise zitabara zegeranya ibice byose by’umubiri we byari byatatanye umurambo uhita ujyanwa ku bitaro bya Gihundwe gukorerwa isuzuma.

Sibomana ati “Yabanaga na mukuru we wo kwa se wabo mu nzu yanjye ngo ahava mu ma saa tatu z’ijoro asiga mukuru we mu nzu amubwira kutazimya no kudakinga, ko ahita agaruka, mukuru we atubwira ko yakanguwe no kumva ko uwo murumuna we yapfuye, tukaba twitegura kumushyingura no gufata mu mugongo umubyeyi wamubuze, dore ko yagiraga nyina wenyine kandi ari we yari afite wenyine mu bana babiri gusa yabyaye.’’

Umukuru w’umudugudu wa Burunga, Kayiranga Emmanuel, yabwiye Imvaho Nshya ko uyu musore yari amuziho gukora imirimo yo kwisuma muri uyu mujyi ngo yagezemo afite imyaka umunani gusa, akaba yanywaga n’inzoga cyane.

JPEG - 216.6 kb
Muri uwo muryango wa hagati muri iyi nzu ni ho nyakwigendera yari acumbitse.

Yasabye abaturage gufatanya bagatabara uwagize ibyago, asaba ariko abasore babana bonyine kujya babwirana aho bagiye kugira ngo nihagira n’ugira ikibazo bamenye aho bashakishiriza, cyangwa bakajya bataha kare, kuko nk’uyu wari watashye agasubira aho mugenzi we atazi yahuye n’ikibazo kugisobanura bikayoberana.

Yasabye kandi ko urubyiruko kwirinda, ubusinzi nubwo atemeza koko ko yari yasinze, ariko ngo kuba yasanganwe iyi suruduwire kandi yari asanzwe asinda, ngo byaba inzira yo kubyemeza.

Umushoferi w’iyi kamyo yahise atabwa muri yombi, ikamyo na yo iri mu maboko ya polisi sitasiyo ya Kamembe aho n’uyu mushoferi afungiye mu gihe iperereza rigikomeza ngo hamenyekane impamvu nyakuri y’uru rupfu.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.