Advertisement
 
 
 
 
 
 
 
 

Amakuru | Mu Ntara | Intara

Rusizi: Umusaza yasanzwe mu murima yapfuye hakekwa amarozi   

  Yanditswe na BAHUWIYONGERA Sylvestre
 5 months ago

 
 

Uzabakiriho Aphrodis w’imyaka 65 y’amavuko,wari utuye mu mudugudu wa Rusunyu,akagari ka Kangazi,mu murenge wa Nkanka,mu karere ka Rusizi yasanzwe mu murima we yapfuye mu ma saa yine z’igitondo zo kuri uyu wa kabiri.

Urupfu rwe rukaba rukomeje kuba amayobera,cyane cyane ko ngo atari anarwaye, abaturage bamwe bari gukeka amarozi bita imitego,abandi bagakeka ko yaba yanizwe.

Umunyamabanga nshingwabikorwa w’umurenge wa Nkanka,Uwambaje Aimée Sandrine, yabwiye Imvaho Nshya ko uwo musaza wari usanzwe akomeye, atagira uburwayi buzwi ataka, yagiye mu murima we kwahira ubwatsi bw’inka ari muzima.

JPEG - 174.1 kb
Ibiro by’umurenge wa Nkanka nyakwigendera yari atuyemo.

Hari n’abahamya ko babanje kumubona mu gitondo kuri santere y’ubucuruzi ya Rugabano muri uwo murenge mbere yo kujya muri uwo murima bakabona ari muzima,ariko ngo baje gutangazwa no kumva ko apfuye mu buryo budasobanutse.

Uyu muyobozi akomeza avuga ko urupfu rwa Uzabakiriho rwamenyekanye ubwo umukecuru w’umuturanyi wa Nyakwigendera yari agiye mu bwiherero, yareba hepfo akabona umuntu aryamye yubitse inda, yareba neza agasanga ni umuturanyi we.

Ngo amweguye yasanze yashizemo umwuka kare, nta gikomere afite,nta n’ikindi yabonye cyaba cyagaragaje ko yishwe,umukecuru ahita atabaza umurambo we uhita ujyanwa gukorerwa isuzuma mu bitaro bya Gihundwe.

Mu gihe bamwe mu baturage bari batangiye kuvuga ko yaba yanizwe cyangwa yatezwe amarozi mu murima, gitifu Uwambaje yavuze ko abaganga ari bo bazemeza icyo yazize.

Yagize ati’’ Kugeza ubu ntawakwemeza icyo yazize tuzabibwirwa n’abaganga,cyane cyane ko nta n’igicurane yatakaga kandi yari asanzwe akomeye rwose, ariko icyo twabwira abaturage ni uko, muri iki gihe abantu basigaye bagendana indwara nyinshi batabizi,zaba iz’imitima, umuvuduko w’amaraso, diyabete n’izindi, bakabona umuntu akomeye na ho yarasheshwe n’indwara na we atabizi, yapfa bagatangira kuvuga ibindi bakeka.”

JPEG - 158.6 kb
Uwambaje Aimée Sandrine asaba abaturage kujya bisuzumisha indwara hakiri kare

Yongeyeho ati “Icyo twabasaba ni ukujya bajya kwisumisha kwa muganga,buri wese akamenya uko ahagaze,cyane cyane ko mituweli yabyoroheje.’’

Avuga ko abaturage batarasobanukirwa n’akamaro ko kwisuzumisha indwara,umuntu akaba azi ko azajya kwa muganga ari uko indwara yamukubise hasi,ariko ko bagiye kubakangurira kujya bisuzumisha buri gihe,cyane cyane ziriya zitandura,bakamenya uko bahagaze.

Iperereza riracyakomeje nubwo nyakwigendera arashyingurwa kuri uyu wa gatatu. Asize umugore n’abana bakuru.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Ngoma:Imiryango itishoboye hafi 7000 imaze korozwa muri gahunda ya Girinka
Ngoma:Imiryango itishoboye hafi 7000 imaze korozwa muri gahunda ya Girinka

Ubuyobozi bw’akarere ka Ngoma butangaza ko kuva gahunda ya Girinka munyarwanda yatangira mu mwaka wa 2006, kugeza ubu inka zimaze korozwa imiryango itishoboye muri aka karere zimaze kurenga 6928. (...)

Ruhango: Abakora muri VUP bamaze amezi 4 badahembwa
Ruhango: Abakora muri VUP bamaze amezi 4 badahembwa

Abaturage bakora mirimo yo gutunganya imihanda no gucukura imirwanyasuri muri gahunda ya VUP mu murenge wa Kinihira ho mu karere ka Ruhango, baravuga ko bamaze igihe kigera ku mezi ane (...)

Umugabo w’i Nyamasheke afungiwe kurya umugore we umunwa akawumira
Umugabo w’i Nyamasheke afungiwe kurya umugore we umunwa akawumira

Ntambabazi Emmanuel w’imyaka 57, wo mu kagari ka Kagarama, umurenge wa Karambi, mu karere ka Nyamasheke, akurikiranweho guhohotera umugore we Nyiranzabahimana Espérance w’imyaka 30, akamurya (...)

Nyamasheke:  Ikamyo y’Abashinwa yagonze veterineri w’umurenge arapfa
Nyamasheke: Ikamyo y’Abashinwa yagonze veterineri w’umurenge arapfa

Imodoka y’Abashinwa bakora umuhanda wa Nyamasheke-Karongi yari itwawe n’umushoferi witwa Nizeyimana Fabien w’imyaka 45 yagonze moto yari itwaye Veterineri w’ umurenge wa Karambi, Tuyizere Pontien, (...)

Gakenke: Babujijwe amahwemo n’insoresore zitwa ‘Abasongarere’
Gakenke: Babujijwe amahwemo n’insoresore zitwa ‘Abasongarere’

Abaturage bo mu kagari ka Rutenderi, umurenge wa Mugunga, akarere ka Gakenke, baratangaza ko babangamiwe n’insoresore zizwi ku izina ry’Abasongarere zibabuza amahwemo zibibira imyaka n’amatungo. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.