Advertisement
 
 
 
 
 
 
 
 

Amakuru | Mu Ntara | Intara

Rusizi: Umugore yataye umwana we w’amezi ane mu musarani   

  Yanditswe na BAHUWIYONGERA Sylvestre
 May 2016

 
 

Mukashema Chantal w’imyaka 22, wo mu mudugudu wa Sanganiro,akagari ka Gakoni,mu murenge wa Muganza,mu karere ka Rusizi , akurikiranweho guta umwana w’amezi 4 yibyariye mu musarani.

Uyu mugore ufungiwe kuri sitasiyo ya polisi ya Bugarama yafashwe ku wa Gatatu amaze iminsi itatu amutayemo.

Umunyamabanga nshingwabikorwa w’umurenge wa Muganza, Muhirwa Philippe avuga ko uyu Mukashema Chantal, wibanaga iwabo mu kagari ka Gakoni, yaje guterwa inda n’umugabo wanamucyuriye aho iwabo igihe gito agahita amuta akigira mu murenge wa Nyakabuye.

Uyu muyobozi avuga ko Mukashema asobanura ko ubukene bukabije buterwa n’ubupfubyi no kwibana ari byo byamuteye guta umwana we mu musarani kubera kubura icyo amugaburira.

Yagize ati’’ Kugira ngo bimenyekane ko uyu mukobwa yataye umwana mu musarani ni uko abaturage n’umukuru w’umudugudu bakomeje kubona nta mwana afite bamubaza aho umwana ari undi akomeza kujijisha yanga kubabwiza ukuri nyuma bagahitamo kumujyana ku biro by’umurenge.”

JPEG - 230.7 kb
Umunyamabanga nshingwabikorwa w’umurenge wa Muganza, Muhirwa Philippe

Nyuma yo kubazwa na polisi, uyu mukobwa yaje kwemera ko yataye uwo mwana mu musarani w’umuturanyi, ahita atabwa muri yombi ku wa gatatu.

Gitifu Muhirwa yakomeje agira ati” Abaturage n’ubuyobozi batangiye gucukura umusarani, bamurika n’amatoroshi bamubonamo,icyakora barangije bwije batamukuyemo, tukaba twategereje ubufasha bwa polisi igomba kuzana imashini kuri uyu wa kane tukayikoresha mu kumukuramo agashyingurwa.’’

Yasabye abantu kwirinda imigirire ishyira abandi mu rupfu nk’uko uyu Mukashema yabikoze yihekura, kuko hari ibihano bikaze biteganirizwa abameze batya.

Avuga ko iyo uyu mugore ageza ikibazo cye mu buyobozi bagombaga kumugira inama aho guhitamo kwihekura, yanasabye abaturage kujya batangira amakuru ku gihe ku cyo bazi cyose cyahungabanya umutekano wabo.

Yagize ati’’ Birababaje kubona umuntu ata umwana yibyariye mu musarani bikamenyekana hashize iminsi itatu yose kandi aho hari ubuyobozi! Turasaba abaturage bose ko badakwiye gutinza amakuru,ikintu cyose kidasanzwe kibaye bakajya bihutira kukigaragaza.’’

Uyu murenge usanzwe uvugwamo abakobwa benshi babyarira iwabo. Bamwe mu baturage baganiriye n’Imvaho Nshya bikimara kuba bifuje ko abakobwa nk’aba bagomba kujya bakurikiranirwa hafi ku mirerere y’aba bana, hakanarebwa buri munsi ko babafite,kuko abana nk’aba baba bari mu kaga ko kugirirwa nabi igihe icyo ari cyo cyose.

 

Comments

  • Kavaga May 2016

    iryo shyano barihane rwose!!!


Izina Ryanyu
IGITEKEREZO

 
 
Ngoma:Imiryango itishoboye hafi 7000 imaze korozwa muri gahunda ya Girinka
Ngoma:Imiryango itishoboye hafi 7000 imaze korozwa muri gahunda ya Girinka

Ubuyobozi bw’akarere ka Ngoma butangaza ko kuva gahunda ya Girinka munyarwanda yatangira mu mwaka wa 2006, kugeza ubu inka zimaze korozwa imiryango itishoboye muri aka karere zimaze kurenga 6928. (...)

Ruhango: Abakora muri VUP bamaze amezi 4 badahembwa
Ruhango: Abakora muri VUP bamaze amezi 4 badahembwa

Abaturage bakora mirimo yo gutunganya imihanda no gucukura imirwanyasuri muri gahunda ya VUP mu murenge wa Kinihira ho mu karere ka Ruhango, baravuga ko bamaze igihe kigera ku mezi ane (...)

Umugabo w’i Nyamasheke afungiwe kurya umugore we umunwa akawumira
Umugabo w’i Nyamasheke afungiwe kurya umugore we umunwa akawumira

Ntambabazi Emmanuel w’imyaka 57, wo mu kagari ka Kagarama, umurenge wa Karambi, mu karere ka Nyamasheke, akurikiranweho guhohotera umugore we Nyiranzabahimana Espérance w’imyaka 30, akamurya (...)

Nyamasheke:  Ikamyo y’Abashinwa yagonze veterineri w’umurenge arapfa
Nyamasheke: Ikamyo y’Abashinwa yagonze veterineri w’umurenge arapfa

Imodoka y’Abashinwa bakora umuhanda wa Nyamasheke-Karongi yari itwawe n’umushoferi witwa Nizeyimana Fabien w’imyaka 45 yagonze moto yari itwaye Veterineri w’ umurenge wa Karambi, Tuyizere Pontien, (...)

Gakenke: Babujijwe amahwemo n’insoresore zitwa ‘Abasongarere’
Gakenke: Babujijwe amahwemo n’insoresore zitwa ‘Abasongarere’

Abaturage bo mu kagari ka Rutenderi, umurenge wa Mugunga, akarere ka Gakenke, baratangaza ko babangamiwe n’insoresore zizwi ku izina ry’Abasongarere zibabuza amahwemo zibibira imyaka n’amatungo. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.