Advertisement
 
 
 
 
 
 
 
 

Amakuru | Mu Ntara | Intara

Rusizi: Umugore uvugwaho kuba indakoreka yafashwe ashaka kwiyahura   

  Yanditswe na BAHUWIYONGERA Sylvestre
 4 months ago

 
 

Nyirahabyarimana Alvéra w’imyaka 37, utuye mu mudugudu wa Murama, akagari ka Muhehwe, mu murenge wa Rwimbogo, mu karere ka Rusizi yashatse kwiyahura yimanitse mu gitenge ariko abana be baramutabariza amanurwa atarashiramo umwuka ku Cyumweru.

Uyu mugore ufungiwe kuri sitasiyo ya polisi ya Gashonga, kugeza ubu ntarasobanura impamvu yamuteye gushaka kwiyambura ubuzima, ariko abaturanyi be, ari abo bamutabaye, bavuga ko n’ubundi yari asanzwe adashobotse kuko yabujije amahwemo umugabo we.

Umunyamabanga Nshingwabikorwa w’Umurenge wa Rwimbogo, Nyirangendahimana Mathilde, yavuze ko byabaye umugabo w’uwo mugore, Bambaza Edouard yagiye mu misa ya mbere kuri paruwasi ya Mushaka .

JPEG - 219.9 kb
Uwo mugore yari atuye mu murenge wa Rwimbogo

Ngo uyu mugore yamanitse igitenge ku biti by’igisenge abana bayoberwa ibyo ari byo, babona atangiye kurira, yinjizamo ijosi, bahita bavuza induru, abaturanyi basanga atarapfa bahita bamuvanamo bahuruza ubuyobozi.

Gitifu Nyirangendahimana ati “Abaturage bahise bahuruza abashinzwe umutekano, icyakora umugore ntiyasobanuye impamvu nyayo yatumye atekereza kwiyahura, anabanza kujijisha avuga ko icyo ari igitenge yari yanitse kuri icyo gisenge agiye kugikamura, akomeje kotswa igitutu yemera ko yari agiye kwiyahura, gusa ntiyavuga impamvu yari ibimuteye, tugakeka ko ayivugira kuri polisi.’’

Yongeyeho ko narekurwa ubuyobozi bumujyana ku kigo nderabuzima cya Mushaka kureba niba nta kindi kibazo afite, anagirwe n’inama.

Ati”Turanareba niba uko kubuza umugabo uburyo bisanzwe mu rugo rwe ari byo byabiteye n’impamvu abikora,niba ari n’inzoga zibimutera kuko na zo azinywa turebe ko twazimubuza ariko ntiyongere gutekereza kwiyambura ubuzima.’’

Uyu muyobozi yanasabye abaturage kureka ingeso yo gutekereza kwiyambura ubuzima kuko n’iyo umuntu yagirana ibibazo n’undi umuti atari ukwiyahura, yakwegera abayobozi akabibabwira, byananirana bikajya mu nzego zisumbuyeho ariko gushaka kwiyahura bakabireka.

Umugabo we yabwiye Imvaho Nshya ko akomeje kubunza imitima yibaza icyo azakora uyu mugore nagaruka mu rugo, kuko atinya ko yazongera kwiyahura ndetse akanabigeraho, agasaba ubuyobozi ko bwamuha umurongo w’uko abyitwaramo ngo ejo atazafungirwa ko yatumye umugore yiyahura kandi atazi ikibimutera.

 

Comments

 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.