Advertisement
 
 
 
 
 
 
 
 

Amakuru | Mu Ntara | Intara

Rusizi: Umugabo yishwe akaswe ijosi, harakekwa umuhungu we   

  Yanditswe na BAHUWIYONGERA Sylvestre
 1 month ago

 
 

Sinarumaze Jacques w’imyaka 56, wari utuye mu mudugudu wa Njambwe,akagari ka Gahungeri,mu murenge wa Gitambi, mu karere ka Rusizi yishwe akaswe ijosi anatemagurwa ibindi bice by’umubiri.

Umunyamabanga Nshingwabikorwa w’akagari ka Gahungeri, Iyamuremye Jean Bosco, yavuze ko abamwishe banamwambuye amafaranga agera kuri miliyoni n’igice yari amaze iminsi agendana mu myenda yambaraga.

Iyamuremye avuga ko mu ma saa kumi n’ebyiri n’igice z’umugoroba wo ku Cyumweru, uyu mugabo yagiye kugura indagara ku muturanyi we, ahindukiye ategerwa mu nzira n’abagizi ba nabi bamwica urw’agashinyaguro, bamukata ijosi, n’ibindi bice byose by’umubiri babicagaguramo ingeri, arinda ashiramo umwuka ataratabarwa.

JPEG - 165.8 kb
Mu buruhukiro y’ibitaro bya Mibilizi ni ho umurambo wa Nyakwigendera wabaye ushyizwe,ukorerwa isuzuma mbere y’uko ushyingurw

Gitifu avuga ko byamenyekanye ari uko abandi bantu bahanyuze nyuma bakabona umurambo wa nyakwigendera ari ibice bice aho yiciwe, batabaza inzego z’umutekano n’abandi baturage umurambo uhita ujyanwa mu bitaro bya Mibilizi gukorerwa isuzuma.

Yagize ati’’ Nubwo abamwishe bataramenyekana twabaye dufashe abantu 13 barimo 4 b’insoresore zasaritswe n’ibiyobyabwenge zahise zigaragara hafi y’aho yiciwe, harimo n’umuhungu we witwa Maniraguha Vincent w’imyaka 25.”

Umugore wa nyakwigendera yasobanuye ko umugabo we yari amaranye iminsi amafaranga 1 500 000 mu mufuka w’ipantalo y’imbere kuko yagendaga yambaye amapantalo 2, imwe irimo ariya mafaranga ngo akanayirarana ntayikuremo, yabwiwe kuyajyana kuri SACCO ngo aranga kuko yateganyaga kugura inzu yo kwimukiramo n’umuryango we.

Yongeyeho ati “Impamvu uyu muhungu we yahise ashyirwa mu bakekwa ni uko hari hashize igihe yambuye nyakwigendera amafaranga 200 000 amuhaye imiti isinziriza amubeshya ko ari iy’uburwayi bwe amuha,umusaza akangutse asanga uyu muhungu we yayajyanye ahita acikira mu mujyi wa Kigali.”

Gitifu Iyamuremye anavuga ko uwo muhungu yari amaze iminsi mike agarutse yaranamenye ko se afite ariya mafaranga, ayagendana akanayararana mu mapantalo, no mu muhanda bikagaragara ko yambariye ku bipfurumba n’abamubonaga bagakeka ko ari iby’amafaranga.”

Bikekwa ko uyu muhungu yahisemo gushaka abo bafatanya kumwica ngo bayamwambure,kuko basanze n’imifuka y’ipantalo y’imbere yacagaguwe.’

Bamwe mu bafashwe ngo bafashe mu iperereza baturiye aho nyakwigendera atuye kandi ntibatabaye, abandi bakaba bamubonye mbere y’uko yicwa.

Mu nama y’umutekano yahise ikoreshwa abaturage, basabwe guhangana n’insoresore zirirwa mu biyobyabwenge, gutungwa n’ibyo bakoreye umuntu akirinda kuvutsa mugenzi we ubuzima amuziza ibye,no kubitsa amafaranga muri SACCO aho kuyagendana.

Nyakwigendera asize umugore,abana n’abuzukuru, akaza gushyingurwa kuri uyu wa mbere ku irimbi ry’ibitaro bya Mibilizi.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.