Advertisement
 
 
 
 
 
 
 
 

Amakuru | Mu Ntara | Intara

Rusizi: Ubuke bw’abaforomo bwazambije imitangire ya serivisi   

  Yanditswe na BAHUWIYONGERA SYLVESTRE
 April 2016

 
 

Abagana ikigo nderabuzima cya Mashesha, mu murenge wa Gitambi, mu karere ka Rusizi, barinubira ubuke bw’abaforomo butuma batinda guhabwa serivisi, ku buryo ngo hari ubwo umurwayi amara amasaha ageze kuri 7 atarabonana n’umuvura.

Mu kiganiro n’Imvaho Nshya, aba baturage bagaragaje ko abaforomo bake bahari bagerageza kubaha serivisi nziza, ariko bakaba bake bigatuma birirwa kuri iki kigo nderabuzima, umuntu akaba yahicirwa n’inzara yiyongera ku burwayi, bikaba byanamuhuhura.

Uwimana Vestine utuye mu mudugudu wa Nyakivomero, mu kagari ka Mashesha, muri uyu murenge, avuga ko serivisi mbi bahabwa zishingiye ku mubare muto w’ababavura, kuko ngo biba bigaragara ko abarwayi ari benshi cyane ugereranyije n’umubare w’abagomba kubitaho.

Yagize ati:“Iki ni ikibazo gikomeye gikwiye kwigwaho, kuko hari nk’igihe umuforomo akugeraho ukabona yananiwe cyane ku buryo nawe umugirira impuhwe, kandi indwara zariyongereye.

JPEG - 193.8 kb
Kimwe mu bigo nderabyuzima byo muri Rusizi

Malariya yabaye nyinshi, inzoka zo mu nda nazo ziriyongera kubera amazi mabi, n’izindi ndwara zari zisanzwe ari nyinshi muri iki kibaya cya Bugarama, kongera abaforomo bikaba byadutabara.”

Umuyobozi w’iki kigo nderabuzima Ndagijimana Gervais, avuga ko na bo bakomerewe n’iki kibazo, kuko ababagana biyongereye cyane kandi abaforomo ari bake, hakiyongeraho kuba bafite poste de santé 3 zose zikeneye abaforomo kandi na bo badahagije, kikaba ari ikibazo gikomeye cyane.

Yagize ati:“Dufite abaturage 42,774 bagomba kwitabwaho n’abaforomo bagera kuri 15 gusa kandi mu mategeko ya Minisiteri y’ubuzima mu Rwanda na OMS umuforomo umwe yagombye kwita ku bantu batarenze 1000, urumva ko duhereye kuri ibyo twagombye kugira nibura abaforomo 40.

Ariko tubonye nibura abaforomo 20 hari icyakwiyongeraho n’umuforomo agakora akagera ubwo aruhuka, kuko no muri aba 15 si ko bose bakora buri munsi, hari abajya muri konji, abashobora kubyara, kurwara cyangwa izindi ngorane zishobora kubabuza kuza ku kazi, bikaba bituma twemera 100% ibivugwa n’abaturage, ariko ikibazo inzego zidukuriye zirakizi, dutegereje icyo zizakivugaho.”

Avuga ko muri aba hari n’abagomba kurara izamu, byose ugasanga bikomeye, akavuga ko bagerageza gukoresha abo bafite bagahora babihanganisha, kuko hari igihe bigaragara ko bananiwe cyane.

Yagize ati:“Niba umuforomo ashobora kugera ubwo yita ku barwayi 100 ku munsi kandi mu minsi ishize ataragezaga no kuri 40 nawe urumva ko hari igihe agera na we ubwe akananirwa cyane akaba yanatanga serivisi mbi kandi bitari ngombwa.”

Umunyamabanga Nshingwabikorwa w’uyu murenge Niwemugeni Marie Claire, avuga ko na bo bagerageza gukorera ubuvugizi iki kibazo, n’ubwo magingo aya bagitegereje ahashobora kuva igisubizo.

 

Comments

 
 
Nyabihu:Abaturage barasaba gusanirwa amavomero yabo yangijwe n’ibiza
Nyabihu:Abaturage barasaba gusanirwa amavomero yabo yangijwe n’ibiza

Abaturage bo mu mirenge ya Rambura, na Karago yo mu karere ka Nyabihu, baratangaza ko babangamiwe no kutagira amazi meza, nyuma yuko umuyoboro bari barubakiwe usenywe n’ibiza. Ubuyobozi (...)

Kirehe: Batatu bafungiwe kwiba icyuma gikoreshwa mu kuhira imyaka mu mirima
Kirehe: Batatu bafungiwe kwiba icyuma gikoreshwa mu kuhira imyaka mu mirima

Polisi ikorera mu karere ka Kirehe ifunze abagabo batatu aribo Dushimirimana J.Baptiste w’imyaka 23 y’amavuko , Asiimwe Fred w’imyaka 37 na Niyomugabo Marcel w’imyaka 27; bafashwe nyuma y’umukwabu (...)

Ngoma:Imirenge 3 yahawe ba Gitifu bashya
Ngoma:Imirenge 3 yahawe ba Gitifu bashya

Umuyobozi w’akarere ka Ngoma Nambaje Aphrodise yakiriye indahiro z’abayobozi bashya b’imirenge 3 yo mu muri aka karere, abasaba gukorera mu mucyo no kurangwa n’ubwitange mu gitondo cyo kuwa 10 (...)

Rubavu: Abaturage bo mu Rugerero bijejwe kwegerezwa amazi meza vuba
Rubavu: Abaturage bo mu Rugerero bijejwe kwegerezwa amazi meza vuba

Ubuyobozi bw’umurenge wa Rugerero mu karere ka Rubavu burizeza abaturage batuye mu kagari ka Kabirizi katagira amazi meza ko bazayashyikirizwa nyuma y’ikorwa ry’umuhanda w’igitaka uhuza aka Kagari (...)

Guverineri Kazaire arasaba abagore gukora cyane kugira ngo u Rwanda rwigire
Guverineri Kazaire arasaba abagore gukora cyane kugira ngo u Rwanda rwigire

Guverineri w’Intara y’Iburasirazuba Kazaire Judith, yasabye abaturage kurangwa n’ubufatanye, gukora cyane kandi umusaruro w’ibyo bakoze bakamenya kuwuzigama kugira ngo iterambere ryifuzwa rigerweho. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.