Advertisement
 
 
 
 
 
 
 
 

Amakuru | Mu Ntara | Intara

Rusizi: Ubucucike bukabije mu ishuri rya Mashesha   

  Yanditswe na BAHUWIYONGERA
 August 2016

 
 

Ababyeyi barerera mu rwunge rw’amashuri rwa Mashesha ruri mu murenge wa Gitambi mu karere ka Rusizi bafite impungenge z’ubucucike bukabije bw’abana babo, aho mu mashuri abanza abanyeshuri bagera kuri 85 mu cyumba cy’ishuri rimwe, mu yisumbuye bakagera kuri 75.

Umuyobozi wungirije wa Komite y’ababyeyi baharerera Banamwana Béatrice, avuga ko iki kibazo ababyeyi babuze uko bakigenza kuko kibababaza, akavuga ko bumva nta reme rifatika ry’uburezi abana babo bacyura mu gihe biga bangana gutya.

Yagize ati “Abana barenga 80 mu cyumba cy’ishuri ku zuba rimeze gutya, bacyura iki koko? Akarere kadufashe, natwe ababyeyi ubuyobozi bw’ishuri n’itorero ADEPR nyir’ikigo dushyireho akacu ariko abana bige bategura neza ejo hazaza atari ukurangiza umuhango gusa.’’

JPEG - 318.6 kb
Umwe mu bana asobanurira ababyeyi uburyo kwiga ari benshi bidashobora gutuma hari ikintu bafata ( Foto Bahuwiyongera S)

Umuyobozi w’iri shuri Ntagwabira Silas avuga ko ari ikibazo kubona umubare ungana gutya mu ishuri, akavuga ko n’ubuyobozi bibahangayikishije kuko bituma abarimu batigisha neza.

Ntagwabira yemeza ko imitsindire y’abanyeshuri bo ku kigo ayoboye iba iri hasi, agasaba akarere kwiga neza iki kibazo kakaba kabaha nibura ibyumba 2.

Yagize ati “Abana barakomeza kuza ari benshi kandi ntitwabasubizayo, ubu bucucike natwe buduteye impungenge kuko mu bihe nk’ibi by’izuba ryinshi utajyaho ngo uvuge ngo abana bariga neza babyigana, ari 85 mu cyumba cy’ishuri mu gihe bagombye kuba nibura hagati ya 40 na 45 kugira ngo bige neza, ubwo rero kurangiza porogaramu uko yateganijwe, umwana wese mwarimu akamugeraho neza, ntitwajyaho ngo tubeshye ko bikorwa neza. Badufashe na ho ubundi birakaze”.

Ushinzwe uburezi muri uyu murenge Musafiri Daniel avuga ko igiteye impungenge ubuyobozi bw’umurenge ariko ko akarere na ko kagaragaza ko nta bushobozi bwo kubyubaka gafite, bakaba bategereje umwaka utaha ko hari ikizakorwa.

Akarere kavuga ko uyu mwaka kazubaka ibyumba 18 gusa mu byumba birenga 300 bikenewe.

 

Comments

 
 
Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.