Advertisement
 
 
 
 
 
 
 
 

Amakuru | Mu Ntara | Intara

Rusizi: Polisi yaburijemo ishyingirwa ku ngufu ry’umwana w’umukobwa   

  Yanditswe na RNP
 July 2016

 
 

Umukobwa w’imyaka 16 y’amavuko (tutashatse kuvuga izina rye) yari agiye gushyingirwa ku ngufu kandi atari yujuje imyaka y’ubukure igenwa n’amategeko, ariko ntibyashoboka kuko uyu mugambi waje kuburizwamo n’abapolisi bakorera mu karere kavuzwe hejuru.

Ibi byabereye mu kagari ka Kamashangi mu murenge wa Kamembe mu minsi mike ishize, ubwo uyu mukobwa yatahuraga ko ababyeyi be bari mu biganiro n’umugabo ukomoka muri Kenya witwa Yusuf, ku buryo umugambi wabo wo kumwohereza muri iki gihugu kumumushyingira wari ugeze kure

Umuvugizi wa Polisi y’u Rwanda mu Ntara y’Uburengerazuba Chief Inspector of Police (CIP) Theobard Kanamugire yagize ati:” Twamenye ko hari umuntu wafashe ifoto y’uyu mukobwa noneho ayoherereza Yusuf ndetse anamuha n’imyirondoro y’ababyeyi b’umukobwa na nimero za terefoni zabo.

Ubwo rero ibiganiro hagati y’ababyeyi b’umukobwa n’uriya mugabo byahise bitangira ku buryo yabemereye amafaranga y’u Rwanda ibihumbi 400 by’inkwano ndetse aranayaboherereza”.

Uyu mukobwa akimara kumenya iby’uyu mugambi, no kuba atarifuzaga gushyingirwa akiri muto ndetse no guteshwa ishuri yabibwiye abaturanyi babo; nabo babimenyesha Polisi y’u Rwanda n’ubuyobozi bw’ibanze.

CIP Theobard Kanamugire Yakomeje agira ati:” Twahise tugirana inama n’abo babyeyi, abaturanyi babo ndetse n’abaturage bo muri ako gace, tubasobanurira ko gushyingira umuntu utarageza imyaka y’ubukure nk’uko amategeko abiteganya ari icyaha.

Twanababwiye kandi ko ari ukutubahiriza uburenganzira bw’umwana nk’uko itegekonshinga ry’u Rwanda ribiteganya mu ngingo ya 28, aho ivuga ko Umwana wese afite uburenganzira bwo kurengerwa ku buryo bwihariye n’umuryango we, abandi banyarwanda na Leta, bitewe n’ikigero n’imibereho arimo nk’uko biteganywa n’amategeko y’u Rwanda ndetse n’amategeko mpuzamahanga.

Amategeko arebana n’ibyo gushyingira agaragaza ko imyaka yemewe ari 21. Igitabo cy’amategeko ahana ibyaha mu Rwanda kivuga ko ari icyaha iyo habayeho gushyingira umuntu ku ngufu kandi utagejeje ku myaka y’ubukure.

Ingingo ya 195 igira iti;” Umuntu wese ugira uruhare mu gushyingira umuntu utarageza ku myaka y’ubukure cyangwa ku gahato, ahanishwa igifungo kuva ku mezi atandatu (6) kugeza ku myaka ibiri (2) n’ihazabu y’amafaranga y’u Rwanda kuva ku bihumbi ijana (100.000) kugeza ku bihumbi magana atatu (300.000)”.

Ababyeyi b’uriya mukobwa,abaturanyi ndetse n’abaturage bakaba baragiriwe inama yo kudashyingira abana babo mu gihe batarageza imyaka yagenwe kuko ari icyaha gihanwa n’amategeko.

 

Comments

 
 
Abasukura ibiro by’intara y’Uburasirazuba barasaba ubuyobozi kubishyuriza rwiyemezamirimo
Abasukura ibiro by’intara y’Uburasirazuba barasaba ubuyobozi kubishyuriza rwiyemezamirimo

Abakozi bakora isuku mu nyubako y’ibiro by’Intara y’Uburasirazuba ikoreramo n’akarere ka Rwamagana, barasaba ubuyobozi kubakorera ubuvugizi rwiyemezamirimo ubakoresha akabishyura, kuko ngo bamaze (...)

Rusizi:Ba Agoronome bamaze amezi 7 bategereje moto z’akazi
Rusizi:Ba Agoronome bamaze amezi 7 bategereje moto z’akazi

Bamwe mu bagoronome n’abaveterineri bo mu karere ka Rusizi baravuga ko hari byinshi bikomeje kudindira muri serivisi baha abaturage bitewe nuko batabasha kubageraho, kuko moto batumije zimaze (...)

Burera:Ubuyobozi bwihanangirije ababyuka banywa inzoga  ngo zibatera imbaraga
Burera:Ubuyobozi bwihanangirije ababyuka banywa inzoga ngo zibatera imbaraga

Ubuyobozi bw’akarere ka Burera burasaba abaturage gucika ku muco wo kubyukira ku ntango y’inzoga n’ibigage, ahubwo bakimakaza umuco wo kubyukira k’umurimo, biteza imbere. Ubu butumwa bwatanzwe mu (...)

Rusizi: Ababyeyi barinubira abakobwa babo
Rusizi: Ababyeyi barinubira abakobwa babo "babaturaho" abuzukuru babyaye batiteguye

Bamwe mu babyeyi bo mu murenge wa Rwimbogo mu karere ka Rusizi, baravuga ko bahangayikishijwe bikomeye n’abana babo bata amashuri kubera inda zitateguwe ntibanavuge abazibatera, ugasanga barateza (...)

Muhanga:Hafunguwe ibyumba by’amashuri y’abafite ubumuga
Muhanga:Hafunguwe ibyumba by’amashuri y’abafite ubumuga

Umuganda ngarukakwezi ku rwego rw’Akarere ka Muhanga, wabereye hafi y’ishuri ry’abafite ubumuga, uhuzwa no gutaha ku mugaragaro ibyumba 6 yabo, byatwaye miliyoni 60 z’amafaranga y’u Rwanda. Senateri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.