Advertisement
 
 
 
 
 
 
 
 

Amakuru | Mu Ntara | Intara

Rusizi-Nkombo: Abakirisitu gatolika bahawe paruwasi nyuma y’imyaka 40 bayisaba   

  Yanditswe na BAHUWIYONGERA SYLVESTRE
 August 2016

 
 

Umunezero ni wose mu bakirisitu gatulika bo ku kirwa cya Nkombo, mu karere ka Rusizi, nyuma yo guhabwa paruwasi bari bamaze imyaka irenga 40 bayisaba.

Iyi paruwasi bahawe yaragijwe Mutagatifu Yohani Pawulo wa II wabaye Papa, akaba ari na we mupapa wenyine wageze mu Rwanda.

Senateri Mushinzimana Appolinaire, wari witabiriye ibi birori yabasabye kubyaza umusaruro aya mahirwe yandi babonye agiye kujyana no kwegerezwa ibikorwa byinshi by’iterambere, bizakorwa na kiliziya gatulika muri uyu murenge.

Ishingwa ry’iyi paruwasi ya 18 mu zigize Diyoseze gatulika ya Cyangugu ryajyanye no gutaha amacumbi y’abapadiri yuzuye atwaye miliyoni zirenga 65 z’amafaranga y’u Rwanda, irahira rya padiri mukuru ugiye kuyiyobora, Placide Minirakiza, n’itangwa ry’ubusaseredoti ku mudiyakoni uvuka kuri iki kirwa Ngendahimana Aloys.

JPEG - 178.5 kb
Padiri Placide Manirakiza( uwa 3 iburyo) ni we wahawe kuyobora iyi paruwasi ya 18 muri iyi Diyoseze (Foto Bahuwiyongera S)

Iki ngo ni ikindi gikorwa gishimishije abatuye ikirwa cya Nkombo kibarirwamo abagatulika barenga 51% by’abagituye, nyuma y’amashanyarazi bahawe na Perezida Paul Kagame, amashuri meza n’ibindi, iyi ikaba yiyongereye mu bigiye kubakomezamo umuvuduko w’iterambere.

Nyaminani Innocent, uhagarariye abakirisitu b’iyi paruwasi nshya, yagize ati“Santarali ya Nkombo yashinzwe mu 1968, mu myaka ya 1972 dutangira gusaba paruwasi ndetse mu 1977 ubwo twasurwaga n’uwari Musenyeri wa Diyoseze ya Nyundo icyo gihe twabarizwagamo, Wensisilas Kalibushi atwemerera ubuvugizi, none ibonetse uyu munsi.

Turuhutse guhora twambuka ikivu buri munsi tujya kuri paruwasi ya Nkanka twabarizwagamo, dutanga amafaranga, dufite n’ubwoba bwo kurohama, tukaba turuhutse ubwigunge twahoragamo.

Yongeyeho ati“Uwashakaga kwaka penetensiya, guhesha abana amasakaramentu, kugisha inama padiri cyangwa gusenga byamusabaga kwambuka ikivu buri munsi ariko ubu turaruhutse, tugiye gushaka iterambere kuko icyari kiduhangayikishije gikemutse.”

Senateri Mushinzimana Appolinaire wari uhagarariye inzego za Leta muri uyu muhango, yabasabye kubyaza umusaruro aya mahirwe akomeye yiyongera ku yandi Leta yabahaye, barushaho kwiteza imbere, bagasenga banakora cyane, ku buryo uzahagera mu mezi make ari imbere azabona impinduka.

Musenyeri wa Diyoseze gatulika ya Cyangugu, Bimenyimana Jean Damascène, yavuze ko asanga iki kirwa gikwiye ubukerarugendo busobanutse kandi bwinjiza amafaranga menshi, avuga ko agiye kubafasha hakarushaho kumenyekana, iterambere rya roho n’iry’umubiri bikiyongera.

Padiri mukuru wahawe iyi paruwasi Placide Manirakiza, yijeje impinduka zifatika mu iterambere mu minsi iri imbere, asaba abakirisitu ku muba hafi, bakarangwa n’ubufatanye muri byose.

Nk’uko byavuzwe na padiri mukuru wa paruwasi ya Nkanka iyi yabarirwagamo, Habimana Paulin, ngo iyi kiliziya ifite byinshi by’iterambere birimo amashuri yisumbuye, ikigo nderabuzima n’ibindi, hakaba hagiye kongerwa n’ibindi birimo n’inzu mberabyombi yakwinjiza amafaranga.

 

Comments

 
 
Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.