Advertisement
 
 
 
 
 
 
 
 

Amakuru | Mu Ntara | Intara

Rusizi:‘Insoresore’ zasaritswe n’ibiyobyabwenge zambura abahisi n’abagenzi   

  Yanditswe na BAHUWIYONGERA SYLVESTRE
 August 2016

 
 

Abatuye umudugudu wa Nkurunziza, mu murenge wa Kamembe, mu mujyi wa Rusizi, barasaba inzego z’umutekano guhagurukira ikibazo cy’abasore bo bita insoresore, zisigaye zambura abaturage bajya cyangwa bava mu mujyi rwagati baciye mu muhanda uturuka mu mujyi ugana ku biro by’akarere uciye aho bita mu Kadasomwa.

Izi nsoresore, akenshi ngo ziba zaramutse zinywa ibiyobyabwenge zitega abantu zikabambura ibyo bafite zikirukira mu tubari turi hafi aho tuba dukinguye umunsi wose, ku buryo bamwe bemeza ko aka gace utakanyuramo uri umwe.

Ubwo Imvaho Nshya yasangaga abaturage bafashemo batatu, bari bamaze kwambura amafaranga 5000 umusore wihitiraga saa mbiri za mugitondo, bavuze ko basigaye bafite ubwoba bwo guca muri uwo muhanda amasaha ayo ari yo yose.

JPEG - 236.9 kb
Abasore batatu bicajwe hasi n’abaturage nyuma yo kubata muri yombi biba (Foto Bahuwiyongera S)

Bavuga ko umutekano ukwiye kuhakazwa, kuko uburyo izi nsoresore ziba zimeze kubera ibiyobyabwenge ziba zanyoye ziba zishobora no kwica uwo zambuye azirwanyije.

Umusore witwa Komezusenge Gaspard, usanzwe acuruza amandazi yagize ati “Nyuze hano mbona abasore 3 baraje umwe aramfata, undi ahita ankora mu mufuka atwara amafaranga 5000 byarimo, kandi n’ubundi ubwo mperutse kunyura hano banyambuye telefoni, bari baherutse no kuhanyamburira indi, abaca hano bataka ni benshi, turibaza uko tuzabigenza.”

Abaturage batunga agatoki utubari turi munsi gato yo mu mujyi rwagati tuba dufunguye kuva saa kumi n’ebyiri z’igitondo, bamwe mu bamaze kwiba bakatwirukiramo, abandi bakirukira mu gishanga cya Kadasomwa, bakavuga ko nta wakwibeshya ngo ahanyure ari umwe cyangwa ahohereze umwana.

Mukayisenga Claudine uhatuye yagize ati “Natwe hano twiriranwa ubwoba tukanaburarana kuko ari ho zirirwa zinywera kandi twabimenyesheje ubuyobozi.Zambura uwo ari we wese ntawe zitinya, tukaba dusaba ko zafatirwa ingamba.”

Umwe muri izi nsoresore wari umaze gufatwa yabwiye Imvaho Nshya ko babura ikindi bakora bagahitamo kwambura abantu ngo babone ayo banywera, akavuga ko babonye ikindi bakora babireka, kuko mu cyaro aho baturuka baba bahabuze imibereho no mu mujyi gukora ikintu cyose bisaba kuba uri muri koperative igikora, bakabura uko babigenza bakiba.

Uyu musore yatanze urugero agaragaza ko n’abatwaza abantu ibintu baba bibumbiye mu makoperative kandi kujyamo cyangwa gushinga indi bigoye.

Umukuru w’umudugudu wa Nkurunziza, Nkundabantu Eugène, avuga ko inzego z’umutekano zikwiye kutajenjekera izi nsoresore zambura abaturage zikamanukira mu mudugudu wabo, zikaba akenshi ziba n’abinjira muri uyu mujyi batawumenyereye, bikaba byawuhesha isura mbi, ari yo mpamvu zikwiye guhagurukirwa zitarakora n’ibirenze ibyo.

Biravugwa mu gihe hari hashize iminsi hafatwa abajura batobora amazu, n’abiba inka bakazibaga, ubu bwambuzi na bwo ngo bukaba ari ikibazo gikomeye cyane.

 

Comments

 
 
Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.