Advertisement
 
 
 
 
 
 
 
 

Amakuru | Mu Ntara | Intara

Rusizi:Inka 483 za Girinka zagurishijwe rwihishwa   

  Yanditswe na BAHUWIYONGERA SYLVESTRE
 July 2016

 
 

Ubuyobozi bw’akarere ka Rusizi buvuga ko nubwo gahunda ya Girinka yagiriye akamaro gakomeye abaturage, ikibangamiwe n’abagurisha izi nka rwihishwa, kandi ngo akenshi bigakorwa abazihawe bataritura.

Gahunda ya Girinka yafashije bamwe mu baturage kwikura mu bukene, bihaza mu mata no mu biribwa kubera gufumbira imirima, ariko ngo hari ababirengaho bakayikoma mu nkokora.

Mu kiganiro n’Imvaho Nshya, umuyobozi w’aka karere wungirije ushinzwe imibereho myiza y’abaturage, Nsigaye Emmanuel, yavuze ko mu karere kose abamaze guhabwa inka za Girinka kuva iyi gahunda yatangira ari 5475.

JPEG - 85.6 kb
Inka zigenerwa abaturage ngo zibafashe kwiteza imbere (Foto Internet)

Muri izi nka harimo 3872 zaguzwe zigahabwa abaturage, izigera ku 1603 zikaba zaravutse kuri ziriya 3872 zikiturwa, gusa ngo ntibyagenze neza nk’uko byifuzwaga.

Yagize ati:“Hari abaturage n’abayobozi batitwaye neza muri iriya gahunda, kuko habarurwa inka 483 zagurishijwe n’abazihawe, muri abo abagera kuri 237 bakaba bari bataritura, abazigurishije bamaze kwitura bakaba bari 202.

Hari n’abandi bakoze ibyo twakwita sakirirego bakagurisha inyana bagombaga kwitura, aba bakaba ari abaturage 4, hakaba n’abandi baturage 40 bazigurishije bakimuka, bikatubana ikibazo gikomeye.”

Uretse aba bagurishije izi nka, uyu muyobozi avuga ko hari n’izindi zigera kuri 27 bivugwa ko zatanzwe mu manyanga, zigahabwa abatari bazikwiriye, ariko ngo ibi biracyatohozwa neza.

Uyu muyobozi yakomeje avuga kandi ko hari abayobozi benshi bahagaritswe ku mirimo yabo bazira konona iyi gahunda, barimo ab’utugari, abashinzwe iterambere n’imibereho myiza y’abaturage mu tugari n’abaganga b’amatungo mu mirenge.

Icyakora abaturage baganiriye n’Imvaho Nshya kuri iyi gahunda, bagaya bagenzi babo bagurisha izi nka cyangwa bakazifata nabi, bakavuga ko bidakwiriye, kuko ngo ingeso yo kuzimya igicaniro ari mbi cyane.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.