Advertisement
 
 
 
 
 
 
 
 

Amakuru | Mu Ntara | Intara

Rusizi: Ibagiro rya miliyari 3,5 ryaheze mu magambo   

  Yanditswe na BAHUWIYONGERA SYLVESTRE
 5 months ago

 
 

Hashize imyaka 5 ubuyobozi bw’Akarere ka Rusizi bwijeje abaturage ko bagiye kubakirwa ibagiro rya kijyambere ryagombaga gutwara akayabo ka miliyari 3,5 z’amafaranga y’u Rwanda, ariko magingo aya bararitegereje amaso ahera mu kirere.

Umwe mu batuye umurenge wa Gihundwe yagize ati “Twabyumvaga mu makuru ku maradiyo tukabibona no mu bitangazamakuru, uwari Meya Nzeyimana Oscar avuga ko i Muhari muri uyu murenge hagiye kubakwa ibagiro rya kijyambere ry’akataraboneka, twitegura guhabwa akazi, dushishikarizwa korora ngo tuzabone icyo tuhajyana. None imyaka 5 irashize nta kindi turabwirwa n’abayobozi bariho, ntituzi uko byagenze.”

Umuyobozi w’aka karere wungirije ushinzwe iterambere ry’ubukungu, Kankindi Léoncie, yabwiye Imvaho Nshya ko uyu mushinga wagombaga gushyirwa mu bikorwa na sosiyete y’ishoramari mu Ntara y’Uburengerazuba (WESPIC).

Yakomeje asobanura ko iyo sosiyete yagombaga kubaka iryo bagiro mpuzamahanga rya kijyambere mu gihe cy’imyaka 5, ariko ngo amasezerano yarangiye muri Werurwe uyu mwaka nta gikozwe, nta n’icyo abaturage babibwiweho.

JPEG - 186.4 kb
Ibagiro abaturage basanganywe ngo ntirijyanye n’igihe (Foto Bahuwiyongera S)

Iyo sosiyete igizwe n’uturere twose uko ari 7 tugize Intara y’Uburengerazuba, Intara ubwayo na bamwe mu bashoramari bayo, ishobora kuba yarabuze amafaranga ikabyihorera.

Yagize ati “Iyi sosiyete y’ishoramari yari yijeje kuryubaka ntiyaryubatse kandi ryari kujya ritunganya amatungo n’ibiyakomokaho nk’impu, amahembe n’ibindi byagombaga kujya bijyanwa mu Burundi, Kongo n’ahandi hashoboka.”

Yakomeje agira ati “Birumvikana ko iyo abashoramari bijeje akarere igikorwa nka kiriya kigomba guhindura ubuzima bw’abaturage n’akarere muri rusange ntigikorwe, igihombo kiba gihari biturutse ku bafatanyabikorwa baba badutengushye.

Iyo umushinga nk’uriya udindiye rero cyangwa ntukorwe babitwijeje natwe tukizeza abaturage, hari abafite amatungo bagombaga kujyanamo, abagombaga kubonamo akazi, imisoro yagombaga kwinjira n’ibindi byinshi twahombye bitaduturutseho.”

Umwe muri aba bashoramari yabwiye Imvaho Nshya ko we abona byarabananiye burundu, bityo hakwiye gushakwa abandi babikora.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.