Advertisement
 
 
 
 
 
 
 
 

Amakuru | Mu Ntara | Intara

Rusizi:Gusimbuza Gitifu w’umurenge wa Rwimbogo byatwaye hafi imyaka 3   

  Yanditswe na BAHUWIYONGERA SYLVESTRE
 5 months ago

 
 

Bamwe mu baturage b’umurenge wa Rwimbogo, mu karere ka Rusizi, baravuga ko bari barambiwe gukomeza kuyoborwa by’agateganyo mu gihe kirenga imyaka 2,5 yose.

Aba baturage bakomeje gusaba ubuyobozi bw’aka karere kubaha umuyobozi, bakaba bishimira ko uku kwezi kwa Kanama gutangiranye n’impinduka, aho bahawe umuyobozi mushya, n’indi mirenge yose itabafite ikaba yabahawe.

Nk’uko Imvaho Nshya yabitangarijwe n’uwari usanzwe ari Gitifu w’agateganyo w’uyu murenge, Bigirimana Théoneste, wari usanzwe anashiznwe irangamimirere n’ibibazo by’abaturage, ngo uyu murenge watangiye kuyoborwa by’agateganyo kuva kuwa 11 Gashyantare 2014.

Uwawuyoboraga Kankindi Léoncie yatorewe kuba kuba umuyobozi w’akarere wungirije ushinzwe iterambere ry’ubukungu, kuva icyo gihe kugeza ubu uyu murenge ukaba wayoborwaga n’umuyobozi w’agateganyo.

Bigirimana avuga ko yagerageje gufatanya iyi mirimo yombi nubwo bitamworoheye, gusa akishimira ko yagarageje gukemura ibibazo by’abaturage nubwo bitahwana no kuba iyi myaka yose umurenge wari kuba ufite umuyobozi wihariye ushinzwe iyi mirimo ikomeye, gusa ashimira abaturage bamufashije kurangiza inshingano ze uko yabisabwaga.

Abaturage baganiriye n’Imvaho Nshya, basabye akarere ko ibi byo gutegereza imyaka hafi 3 ngo umurenge uhabwe umuyobozi bitazasubira, kuko ubu bakorera ku mihigo kandi akaba ari nk’irushanwa.

Kugira umuyobozi umwe ahagombaga gukorwa n’abayobozi 2 imyaka ingana gutya, ngo bituma abandi babasiga mu iterambere kandi abayobozi baba bahari ikibazo ari ukubashyira mu myanya gusa.

Nyiramakabuza Béatrice yagize ati:“Twari dufite ikibazo rwose nubwo uyu ucyuye igihe ntako atagize dufatanije, ariko umuntu umwe ukora aha babiri imyaka ingana gutya ntibihwanye n’uko twari kuba dufite abo bayobozi bose.

Ikibazo cyari gihari ariko ubwo gikemutse ni byiza, gusa ubutaha bajye bihutira kuzuza inzego aho zituzuye hakiri kare, kuko tuba dushaka kwihuta mu iterambere.”

Umuyobozi w’aka karere wungirije ushinzwe imibereho myiza y’abaturage, Nsigaye Emmanuel, yasabye umuyobozi mushya gukorana umurava n’ikipe asanze kugira ngo barebe ahaba hari icyuho bakizibe, asaba n’abaturage gufasha ubuyobozi bushya gukomeza intambwe yo kwihuta mu iterambere.

Yabasabye kujya bagaragaza ibibazo aho biri bigashakirwa umuti hakiri kare, ariko kandi bakanagaragaza imbaraga zabo mu kwihuta mu iterambere ry’umurenge no guharanira imibereho myiza yabo.

Umunyamabanga nshingwabikorwa mushya, Nyirangendahimana Mathilde, yavuze ko azanye ubushake n’imbaraga zihangije mu gukomeza kuzamura uyu murenge, akizera ko mu bufatanye n’abaturage bose ntakizabananira, cyane cyane ko uyu murenge usanzwe unateye imbere ufite n’abaturage bumva kandi bazi icyo bakora.

Nyirangendahimana Mathilde yayoboraga umurenge wa Nyakarenzo kuva umwaka ushize, akaba yari amaze indi myaka 10 mu murenge wa Nzahaha uhana imbibe n’uyu wa Rwimbogo.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Ngoma:Imiryango itishoboye hafi 7000 imaze korozwa muri gahunda ya Girinka
Ngoma:Imiryango itishoboye hafi 7000 imaze korozwa muri gahunda ya Girinka

Ubuyobozi bw’akarere ka Ngoma butangaza ko kuva gahunda ya Girinka munyarwanda yatangira mu mwaka wa 2006, kugeza ubu inka zimaze korozwa imiryango itishoboye muri aka karere zimaze kurenga 6928. (...)

Ruhango: Abakora muri VUP bamaze amezi 4 badahembwa
Ruhango: Abakora muri VUP bamaze amezi 4 badahembwa

Abaturage bakora mirimo yo gutunganya imihanda no gucukura imirwanyasuri muri gahunda ya VUP mu murenge wa Kinihira ho mu karere ka Ruhango, baravuga ko bamaze igihe kigera ku mezi ane (...)

Umugabo w’i Nyamasheke afungiwe kurya umugore we umunwa akawumira
Umugabo w’i Nyamasheke afungiwe kurya umugore we umunwa akawumira

Ntambabazi Emmanuel w’imyaka 57, wo mu kagari ka Kagarama, umurenge wa Karambi, mu karere ka Nyamasheke, akurikiranweho guhohotera umugore we Nyiranzabahimana Espérance w’imyaka 30, akamurya (...)

Nyamasheke:  Ikamyo y’Abashinwa yagonze veterineri w’umurenge arapfa
Nyamasheke: Ikamyo y’Abashinwa yagonze veterineri w’umurenge arapfa

Imodoka y’Abashinwa bakora umuhanda wa Nyamasheke-Karongi yari itwawe n’umushoferi witwa Nizeyimana Fabien w’imyaka 45 yagonze moto yari itwaye Veterineri w’ umurenge wa Karambi, Tuyizere Pontien, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.