Advertisement
 
 
 
 
 
 
 
 

Amakuru | Mu Ntara | Intara

Rusizi:Barishimira ko amasaha yo gufunga umupaka yongerewe   

  Yanditswe na BAHUWIYONGERA SYLVESTRE
 5 June

 
 

Abanyarwanda n’abanyekongo bambukiranya umupaka wa Rusizi ya mbere bava cyangwa bajya mu Rwanda no muri Kongo mu mirimo inyuranye, barishimira ko imikorere yabo yiyongereye muri aya mezi atatu ashize amasaha yo kwambuka umupaka yongerewe.

Aba baturage bemeza ko aya masaha yongereweho bayabyaza umusaruro ufatika, bagasaba ko yagera kuri 24, nk’uko bimeze ku ruhande rwa Rubavu na Goma.

Hashize amezi 3 ayo masaha yongerewe ava kuri 12 agera kuri 16, aho abambukaga bagezaga saa kumi n’ebyiri z’umugoroba, ubu bakaba bagera saa yine z’ijoro.

JPEG - 260.9 kb
Abambuka umupaka ntibakikanga amasaha (Foto Bahuwiyongera S).

Abanyarwanda n’abanyekongo baganiriye n’Imvaho Nshya, bakaba baragaragaje ibyishimo batewe n’uku kongerwa kw’amasaha kuko ngo bisigaye bituma bakora mu mutuzo, badashikagurika basiganwa n’amasaha nk’uko byari bimeze mu gihe bagezaga saa kumi n’ebyiri z’umugoroba.

Bavuga ko igihe umupaka wafungwaga saa kumi n’ebyiri z’umugoroba ku ruhande rwa Kongo, bahoraga bikanga kurara mu bihugu bitari ibyabo ku mpande zombi bagiye nko guhaha, kwiga cyangwa gutembera, ku buryo saa kumi n’imwe zageraga batangiraga kwirukanka batanarangije ibyo bakora, kugira ngo ku ruhande rwa Kongo batabafungiraho kuko mu Rwanda ho bakomeje gukora batafungaga.

Tugirumuremyi Aphrodis, usanzwe arangura inkweto i Bukavu azizana i Kamembe yagize ati:“Dushimira cyane abayobozi bacu ibyiza bahora badushakira, kuko cyari ikibazo gikomeye cyane, hari nk’igihe wagendaga bigasaba ko utinda i Bukavu, amasaha yakugereraho ukaba wanarara hafi y’ikiraro abanyekongo banze ko wambuka.Byatumaga dukora umutima utari hamwe, ariko ubu dukora dutuje rwose.”

Avuga ko nka bagenzi be bacuruza isambaza i Bukavu n’abarangura ibicuruzwa bazana mu Rwanda bageza na saa mbiri z’ijoro bakiri i Bukavu, abakora imirimo y’ubwubatsi hakabaho igihe bakora kugeza na saa tatu z’ijoro bigatuma ifaranga batahana ryiyongera.

Bavuga ko biyemeje kubyaza umusaruro aya mahirwe bakongera imikorere, amafaranga bakorera bakayongera.

Anni Mwamini w’i Bukavu na we yagize ati:“Mbere twarahombaga cyane, ariko ubu turakora bizinesi zacu neza tukava i Kigali saa cyenda z’amanywa tugataha i Bukavu nta kibazo, mu minsi ishize byadusabaga kurara Kamembe iyo isaha zatugeranaga.”

Icyo bose bahurizaho ni uko uyu mupaka na wo wagera ku rwego rwo gukora amasaha 24/24 nk’uko bimeze ku ruhande rwa Rubavu na Goma, ngo bayabyaza umusaruro ufatika.

Butera Yves ushinzwe itumanaho na serivisi zihabwa abaturage mu rwego rw’igihugu rushinzwe abinjira n’abasohoka, avuga ko u Rwanda rutigeze ruhagarara gukora kugera saa yine z’ijoro na mbere hose.

Ku cyifuzo cyo gukora amasaha 24/24, avuga ko na byo bizashoboka, hari ibikinozwa ngo n’iyo gahunda igerweho.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.