Advertisement
 
 
 
 
 
 
 
 

Amakuru | Mu Ntara | Intara

Rusizi:Bamwe mu bireze icyaha cya Jenoside banenzwe kutitabira gahunda zo Kwibuka   

  Yanditswe na BAHUWIYONGERA SYLVESTRE
 April 2016

 
 

Ikibazo cya bamwe mu bireze bakemera icyaha cya Jenoside yakorewe abatutsi, bakanagisabira imbabazi ndetse bakanazihabwa, nyamara bakaba batagaragara muri gahunda zo kwibuka ngo bifatanye n’abandi banyarwanda, gikomeje gutera impungenge abarokotse Jenoside yakorewe Abatutsi.

Ibi byagaragaye ubwo mu biganiro mu kagari ka Ryankana, mu murenge wa Bugarama, hari hari umwe gusa wireze akemera icyaha, hakibazwa niba ari we wenyine wireze uri muri aka kagari cyangwa uyu murenge.

Bamwe mu barokotse Jenoside baganiriye n’Imvaho Nshya bavuze ko iki kibazo kitari mu Bugarama gusa, kuko n’ahandi gihari, bikaba bishobora kuba biterwa no kudaha agaciro imbabazi bagiriwe, hakaba n’abadatinya kuvuga ko muri abo haba harimo n’abagisaritswe n’ingengabitekerezo ya Jenoside ituma batagaragara aho abandi bari.

JPEG - 221.7 kb
Mukamurara Judith yavuze ko abarokotse bahangayikishijwe n’abireze bakemera Jenoside batitabira ibiganiro byo kwibuka

Mukamurara Judith yagize ati:“Twe biratubabaza cyane, tukazunguza umutwe kubona ari bo badushyize muri aka kaga kose, nyamara mu gihe cyo kwibuka ntitubabone, bakigumira mu ngo zabo, tukibaza niba iyi gahunda itabareba.Turasaba ubuyobozi ko bwakongera bukabakangurira kwifatanya natwe kwibuka bakanatanga ubuhamya bw’ibyo bakoze, byanatuma hari ibindi byinshi tumenya tutaramenya ku rupfu rw’abacu.”

Iyi myitwarire yababaje cyane Visi Perezida w’Inteko Ishinga amategeko umutwe w’abadepite, Depite Mukama Abbas, wahise avuga ko agiye gusaba bagenzi be mu Nteko gufatira ingamba zikaze iki kibazo mu mategeko.

Yagize ati:“Niba bigeze aho iyo tugeze muri aya mezi hamwe n’imbabazi abarokotse Jenoside batanze, kubera gukunda igihugu, abazihawe ntibaze kwifatanya natwe muri ibi bihe turimo, ni ikibazo gikomeye cyane.

Icyo ngiye gusaba bagenzi banjye ni uko biba mu mategeko, uwahawe imbabazi, igihe cyo kwibuka ntaze ngo yifatanye n’abandi, mu gihe na Nyakubahwa Perezida wa Repubulika, Umukuru w’ikirenga w’igihugu yitabira iyi minsi n’abandi bayobozi bose b’igihugu, nyamara uyu wasabye imbabazi ntaze, urumva uyu muntu ataba afite ingengabitekerezo ya Jenoside?

Urumva se aba ari muri gahunda y’ubumwe n’ubwiyunge? bibe mu mategeko ahanwe kuko icyo gihe aba anateye ubwoba abazitanze, ugasanga ahubwo agiye guteza ibibazo hagati yacu, twe Leta n’abatanze imbabazi, kandi zaratanzwe mu rwego rwo kongera kubaka u Rwanda.”

Avuga ko asanga aba bataza gufatanya n’abandi kwibuka ngo banagaragaze ukuri ku byabaye muri Jenoside, ari ingengabitekerezo ya Jenoside ikibarimo bakomeje kugaragaza, bikaba bigaragara ko bahawe imbabazi batazisabye ntibahinduke, akaba asaba ko babarurwa mu tugari barimo, bakamenyekana, hakamenyekana n’impamvu nyayo banga kwifatanya n’abandi kwibuka n’izindi gahunda ziba ziteganijwe muri ibi bihe byo kwibuka.

 

Comments

 
 
Hamuritswe igishushanyombonera cy’umujyi wa Bugarama
Hamuritswe igishushanyombonera cy’umujyi wa Bugarama

Mu gihe kiri imbere igice kinini cy’umurenge wa Bugarama kigiye kuba umujyi wunganira umujyi wa Rusizi, igishushanyombonera cyawo kikaba cyaramurukiwe abatekinisiye b’akarere n’ubuyobozi bw’uyu (...)

Rusizi:Abaturage bafashe ingamba zo kwicungira umutekano
Rusizi:Abaturage bafashe ingamba zo kwicungira umutekano

Nyuma y’aho mu rukerera rwo ku wa 12 uku kwezi abantu bataramenyekana bateye mu kagari ka Ryankana mu murenge wa Bugarama bakaharasira abaturage 3 babiri bagahita bahasiga ubuzima, abaturage b’uyu (...)

Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.