2017-08-19 07:41:08 clouds 27o High | Kigali Rwanda

Dukurikire:
 
 

Rusizi:Bamaze imyaka 3 bishyuza ikawa zabo zaranduwe ahanyujijwe amashanyarazi

Yanditswe na IMVAHO NSHYA

Kuya 2016-08-27 06:25:24

 
Share on:
 
Yasuwe:1
 
Yavuzweho:200
 
10
 
10

Abagore bahinga kawa mu murenge wa Gashonga mu karere ka Rusizi, bibumbiye muri koperative COPUDIKA, igizwe ahanini n’abapfakazi basizwe iheruheru na Jenoside yakorewe abatutsi, baravuga ko bamaze imyaka 3 bangirijwe kawa, ariko ngo magingo aya ntibarishyurwa.

Ikawa z’aba bagore zangijwen’igikorwa cyo kunyuza umuriro w’amashanyarazi mu murima wa koperative yabo, ndetse na Transiforomateri akaba ari ho bayubatse, bizezwa ko bazishyurwa ariko kugeza n’ubu ntibazi aho ikibazo kiri.

Bavuga ko ubwo batemaga kawa yabo bakuragaho amarariro n’amaramuko ngo hubakwe iyo Transifo, bababwiye ko batazatinda kubishyura, bagenzi babo bandi bangirijwe imyaka inyuranye bamwe ngo barishyuwe, bamwe ngo bishyurwa ari uko barinze guhagukura bakigira i Kigali, abatarashoboye kujyayo ngo ibyabo byaburiwe igisubizo.

JPEG - 220 kb
Aba bagore baravuga ko bamaze imyaka 3 batishyurwa ingurane y’ibyabo byangijwe n’aya mashanyarazi (Foto Bahuwiyongera S)

Mukandanga Alexiane yagize ati “Badutemeye ibitsinsi bya kawa 50 kandi igitsinsi kimwe kibaho ibiti bitari munsi ya 3 cyangwa 4 n’aho bashyize iyo transifo ntibahatwishyuye ngo batubwire aho tuzajya tugarukira, iyo dusasiye na yo turayisasira kandi tubona yanditseho ngo “uhegereye wapfa”.

Tukumva hari igihe twazahura n’ingorane muri uyu murima, tukifuza ko twakwishyurwa, tukita kuri kawa y’ahasigaye ariko ntidukomeze guhomba gutya.”

Umuyobozi w’iyi koperative Mukayitesi Marie avuga ko byabahombeje bikomeye, kuko ibiti bingana gutyo mu myaka 3 baba barabikuyemo amafaranga menshi bagafasha imfubyi basigaranye, ariko ngo byarabadindije kandi ibyo basabwaga byose barabitanze.

Kugeza ubu ngo barakibaza impamvu atazira rimwe, bamwe bakayabona abandi ntibayabone, bakanahangayikishwa n’uko batabwiwe amafaranga bazishyurwa, agakomeza kugirwa ubwiru.

Agoronome w’umurenge wa Gashonga Dunia Théogène, avuga ko uretse aba bagore hari n’abandi baturage batarishyurwa, kuko ngo aya mashanyarazi yaturukaga ahitwa mu Rusambu, mu murenge wa Nyakarenzo ugana Gashonga mu mwaka wa 2013.

Avuga ko ibisabwa byose babijyanye ku bahagarariye EUCL mu karere ka Rusizi, bamwe bagasabwa kugira ibyo buzuza, bakabyuzuza, bakabwirwa ko bazaba bishyuwe mu ntangiriro z’ukwezi kwa 8 uyu mwaka ariko n’ubu ntibazi ikibazo aho kiri.

Umuyobozi wa EUCL mu karere ka Rusizi, Twagiramungu Eugène, avuga ko iki kibazo kigiye gukurikiranirwa hafi bakishyurwa ibyabo, akemeza ko bitarenze mu mpera za Nzeri uyu mwaka bose bazaba bishyuwe.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE