Advertisement
 
 
 
 
 
 
 
 

Amakuru | Mu Ntara | Intara

Rusizi: Arashimira Kagame wamushumbushije inka ze zariwe n’Interahamwe   

  Yanditswe na BAHUWIYONGERA SYLVESTRE
 5 months ago

 
 

Nyirasinayitutse Emertha w’imyaka 76, utuye mu mudugudu wa Misave, akagari ka Kabakobwa mu murenge wa Gashonga mu karere ka Rusizi avuga ko yishimiye gusaza anywa amata y’inka ahawe na Perezida Kagame nyuma y’uko izo yari yororanye n’umugabo we zariwe muri Jenoside yakorewe Abatutsi.

Uyu mukecuru avuga ko umugabo we n’abana 2 bishwe muri Jenoside yakorewe abatutsi 1994, inka ze zikaribwa. Akabaho atagira itungo kugeza ubwo muri Kanama 2016 FARG yamuhaye inka.

JPEG - 163.5 kb
Nyirasinayitutse Emertha avuga ko inka yahawe igiye gutuma asaza neza (Bahuwiyongera S)

Avuga ko uretse kumwicira umugabo n’abana, Interahamwe zanamusenyeye, zigasahura ibye byose agasigara iheruheru n’abana 5 yari asigaranye, ariko ngoyishimira ko Leta nziza yamufashije kongera kubaho akubakirwa akanahabwa inka igiye kumusazisha neza.

Yagize ati “Nta nka cyangwa irindi tungo nari narigeze mpabwa ariko ubu iyi nka mpawe igiye kungirira akamaro gakomeye cyane, Perezida Kagame ansubije amata mu kanwa ku myaka 76, ansajishije neza, ampaye ifumbire ngiye kweza ibirushijeho kuko mfite abana n’abuzukuru baza kumpingira, kandi nanjye ndakiyumvamo akabaraga, nubakiwe ikiraro inka yanjye imeze neza cyane, mfite umutekano utwo ndiye twose ndaryama ngasinzira, muri rusange nguwe neza mbikesha uwadukuye mu icuraburindi akaba anampaye gusazana amata mu kanwa.’’

Avuga ko n’ubwo intege zitangiye kuba nke ariko yiteguye kubyaza iyi nka umusaruro ufatika, aho na we agiye kujya yigira mu murima, agakoresha ifumbire akazakuba umusaruro yabonaga inshuro 2 kuko ngo yezaga umufuka w’ibishyimbo n’urenze w’ibigori kandi atashyizemo ifumbire y’amatungo.

Ati “N’ubwo nta mugore wirahira ariko n’ubu ndi umukecuru rukukuri nirahiriye Paul Kagame wongeye kunkangurira igicaniro cyari kimaze imyaka 22 gisinziriye kubera abagome bampekuye, sinaba nshiye inka amabere kandi nzakomeza mwirahire kugeza igihe nzashiriramo umwuka.’’

Umuyobozi w’aka karere wungirije ushinzwe imibereho myiza y’abaturage Nsigaye Emmanuel avuga ko gahunda zo koroza abaturage imaze kubateza imbere mu buryo bukomeye, agasaba abazihawe gukomeza kuzifata neza.

 

Comments

 
 
Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.