Advertisement
 
 
 
 
 
 
 
 

Amakuru | Mu Ntara | Intara

Rusizi: Afungiwe kwicisha amashanyarazi umukobwa w’imyaka 48   

  Yanditswe na BAHUWIYONGERA Sylvestre
 23 April

 
 

Nyandwi Etienne wo mu mudugudu wa Mukorazuba, mu kagari ka Tara,mu murenge wa Mururu, mu karere ka Rusizi yatawe muri yombi ashinjwa kwica umukobwa w’imyaka 48 baturanye amuteze umuriro w’amashanyarazi.

Umunyamabanga Nshingwabikorwa w’agateganyo w’umurenge wa Mururu, Habyarimana Déogratias yabwiye Imvaho Nshya ko uwo mukobwa usanzwe acuruza imineke yari agiye kurangura ibitoki mu rugo rwa Nyandwi.

Habyarimana avuga ko uwo mugabo baturanye ari we wari wamuhamagaje ngo aze abimugurire. Ngo aho guca ku irembo yaciye munsi y’urugo kuko ku irembo hari hakinze anyuze ku kiraro cy’ingurube akandagira insinga z’amashanyarazi Nyandwi yari yarateze ahita apfa.

Uyu muyobozi yagize ati’’ Ayo mashanyarazi yari yaratezwe n’uyu Nyandwi Etienne; yari yarayakwije no mu rutoki hose, ku buryo byari bizwi n’abaturanyi bake cyane, uyu mugabo iyo ngo yajyaga kuryama yahitaga akwirakwiza izo nsinga mu rutoki no mu kiraro, ku buryo ngo no guca iruhande rw’ikiraro byonyine umuntu yari guhita afatwa n’ayo mashanyarazi.’’

JPEG - 124.2 kb
Umuriro w’amashanyarazi wari uteze mu kiraro no mu rutoki ni wo wamuhitanye

Nyandwi Etienne yahise atabwa muri yombi, afungirwa kuri sitation ya polisi ya Kamembe, uyu mukobwa na we umubiri we ujyanwa mu bitaro bya Gihundwe gukorerwa isuzuma, nyuma gato uhita ushyingurwa.

Gitifu Habyarimana yavuze ko ibyo uwo mugabo yakoze bitemewe na gato, kandi ko kurindisha amashanyarazi imirima,ibiraro by’amatungo cyangwa ibipangu by’inzu bihanirwa n’amategeko.

Yasabye abaturage gushaka ubundi buryo bwo kurinda umutekano wabo,hakoreshejwe amarondo cyangwa abazamu ariko hadakoreshejwe amashanyarazi.

Umurenge wa Mururu umaze iminsi uvugwamo ikibazo cy’abajura b’amatungo cyane, bikaba bikekwa ko hashobora kuba hari n’abandi bafashe ubu buryo bwo kwirinda hakoreshejwe amashanyarazi.

Nyakwigendera wari ukiri ingaragu asize nyina babanaga na we wari ushaje cyane.

 

Comments

Who are you?
Your post
  • To create paragraphs, just leave blank lines.

 
 
Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Karongi:Abaturage 31 bajyanwe mu bitaro bazira ikigage banyoye mu bukwe
Karongi:Abaturage 31 bajyanwe mu bitaro bazira ikigage banyoye mu bukwe

Abaturage 31 bo mu mudugudu wa Nyagahinga, Akagari ka Ruhinga mu murenge wa Gitesi ho mu karere ka Karongi, bamaze iminsi mu bitaro, nyuma yo kunywa ikigage bikekwa ko gihumanye mu bukwe. Aba (...)

Uburengerazuba: Guverineri Munyantwari yasabwe kwihutisha iterambere
Uburengerazuba: Guverineri Munyantwari yasabwe kwihutisha iterambere

Abanyamuryango ba FPR Inkotanyi mu ntara y’Uburengerazuba, batoye Guverineri Munyantwari Alphonse nk’umuyobozi mushya w’uyu muryango muri iyi Ntara, bamusaba kwihutisha iterambere. Guverineri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.