Advertisement
 
 
 
 
 
 
 
 

Amakuru | Mu Ntara | Intara

Rusizi: Abarwayi bakora urugendo rwa km 125 bajya ku bitaro   

  Yanditswe na BAHUWIYONGERA SYLVESTRE
 April 2016

 
 

Abaturage bo mu kagari ka Rasano n’utundi tugari bituranye mu murenge wa Bweyeye mu karere ka Rusizi, bakomeje guhangayikishwa n’urugendo rurerure bakora bajya kwivuriza ku bitaro bya Gihundwe, aho basabwa kugenda ibilometero birenga 125.

Bavuga ko poste de santé ibegereye idafite abaforomo bahagije, bigasaba ko bajya ku kigo nderabuzima cya Bweyeye mu bilometero 25, kandi kubera imihanda mibi cyane ihari ingobyi y’abarwayi ntishobora kuhagera, hakaba igihe basanze umurwayi agomba kujyanwa ku bitaro, bigasaba ibindi bilometero birenga 100 ngo agezwe ku bitaro bya Gihundwe.

Habiyaremye Phenias wo mu kagari ka Rasano, yagize ati: “Iyo umuntu arembye cyangwa akomeretse bikabije cyangwa nk’umugore uri kunda tumunyurana ahitwa muri Koko tumuhetse mu ngobyi, kandi ni habi ku buryo ashobora no kudupfiraho kubera uko hameze ubwaho.

JPEG - 186.4 kb
Abaturage bavuye ahitwa Rasano bagera kuri ibi bitaro bakoze urugendo rwa km 125 (Foto Bahuwiyongera S)

Gufata moto ni amafaranga atari munsi y’ibihumbi 20, yagera ku kigo nderabuzima cya Bweyeye, bagasanga batamushoboye bigasaba kujya i Gihudwe, mu by’ukuri uwo ntituba tukimubara, aba ari aha Nyagasani wenyine.”

Undi mugore yagize ati:“Nkatwe iyo dutwite,hari igihe inda igira amezi nk’umunani ukaza kuba ku kigo nderabuzima utegereje kubyara(kwarama) ukamara ukwezi kose, waba usigaje igihe gito ngo ubyare bakavuga ko batazashobora kukubyaza, ko uzajya ku bitaro bya Gihundwe na bwo ukajya kuhamara iminsi isigaye ngo ubyare kandi nta n’umuntu azakugemurira, inzara n’imibereho mibi ubwabyo bikaba byakwicana n’uwo utwite,kandi n’imihanda umubyeyi aba yanyuzemo iba yamunegekaje.”

Bavuga ko basaba ko ikibazo cyabo cyakwigwa byihariye bagahabwa ibitaro hafi cyangwa ikigo nderabuzima kigahabwa ingufu, kigahabwa abaganga b’inzobere bameze nk’abo ku bitaro babafasha ntibakomeze guhangayika gutyo.

Umuyobozi w’akarere ka Rusizi Harelimana Frédéric, avuga ko aba baturage bakwiye kumvwa bagakemurirwa ikibazo.

Yagize ati:“Bweyeye ni umwe mu mirenge y’aka karere iri kure ku buryo ukeneye kwitabwaho byihariye cyane cyane ku kibazo cyo kwivuza.

Twabigejeje kuri MINISANTE kugira ngo itekereze niba hatarebwa ibigo nderabuzima byadufasha bikagira umuganga w’inzobere umwe cyangwa 2 batanga serivisi kugira ngo umuturage ahabwe serivisi bidasabye ko ahita ajyanwa ku bitaro, kandi hari urugendo rurerure n’imihanda nk’iriya aho ubuzima bwe buba bugerwa ku mashyi kandi tuba dushaka kuburengera.”

Umuyobozi w’ibitaro bya Gihundwe, Dr Nshizirungu Placide, we avuga ko iki kibazo kitakemuka vuba kuko kujyana umuganga w’inzobere ku kigo nderabuzima bitashoboka vuba, kuko bisaba ibindi byinshi bitahita biboneka, kandi no ku bitaro badahagije.

 

Comments

 
 
Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.