Advertisement
 
 
 
 
 
 
 
 

Amakuru | Mu Ntara | Intara

Rusizi: Abarokotse Jenoside batishoboye borojwe inka   

  Yanditswe na BAHUWIYONGERA SYLVESTRE
 April 2016

 
 

Mu rwego rwo gufata mu mugongo abarokotse Jenoside yakorewe abatutsi batishoboye, abakozi b’ikigo nderabuzima cya Mashesha giherereye mu murenge wa Gitambi mu karere ka Rusizi, baboroje inka eshatu kugira ngo zibafashe kubona ifumbire n’amata.

Iyamuremye Venuste, umusore w’imyaka 24 worojwe inka, yagize ati:“Nari narokokanye na mushiki wanjye na mukuru wanjye gusa, icyakora bo baza kujya gushaka ingo zabo, nsigarana na mushiki wanjye wo kwa data wacu, na we w’imfubyi ya Jenoside, icyo twari tworoye ni ihene gusa.

Nkaba nishimiye iyi nka ihaka bampaye kuko mu minsi mike izaba ibyaye, tukaba tugiye kubona ifumbire n’amata, bikaba byiyongera ku nzu iciriritse iki kigo nderabuzima n’abandi baturage bafatanyije kutwubakira, bikazadufasha kwiyubaka.”

JPEG - 939.1 kb
Abarokotse Jenoside borojwe inka (Foto Bahuwiyongera S)

Umuyobozi w’iki kigo nderabuzima Ndagijimana Gervais, avuga ko koroza abarokotse Jenoside batishoboye ari intego y’ikigo ayoboye, gahunda yo kubafasha ikaba yaratangiye muri 2012.

Yagize ati:“Ndashima ubufatanye n’ubwitange bwa bagenzi banjye kuko babikorana umwete n’umutima mwiza, kandi bumva uburemere bw’icyo bakora, nkaba nkomeza kubasaba ko bazakomeza kuba hafi n’abandi barokotse Jenoside muri ibi bihe bikomeye tugiye kwinjiramo, kuko n’ubundi inshingano yabo ari ugutanga ubuzima.”

Umunyamabanga Nshingwabikorwa w’uyu murenge Niwemugeni Marie Claire, na we ashima gahunda nk’iyi yo gufasha uwarokotse Jenoside, akavuga ko yizeye ko inka izamukura mu bukene.

 

Comments

 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.