Advertisement
 
 
 
 
 
 
 
 

Amakuru | Mu Ntara | Intara

Rusizi: Abajura bayogoje umujyi barasabirwa ibihano biremereye   

  Yanditswe na BAHUWIYONGERA SYLVESTRE
 2 months ago

 
 

Bamwe mu batuye mu mujyi wa Rusizi bavuga ko bakomeje kubangamirwa n’abajura babiba nijoro, bagatobora inzu cyangwa bagaca inzugi, ibintu bakabimara mu nzu.

Aba baturage bavuga ko hari n’ababambura ku manywa y’ihangu bakirukira mu bishanga no mu mibande ku buryo kubakurikira bigorana.

Icyo aba baturage bagaragaza nk’ikibabaza, ni uko ngo ababashije gufatwa bagezwa kuri Polisi bagahita barekurwa batahamaze n’umunsi umwe, bagasaba ubuyobozi ko bwafatira ingamba zihariye izi nsoresore zimara guhaga ibiyobyabwenge zikababuza umutekano, nyamara zigakomeza kwidegembya mu mujyi.

JPEG - 615.3 kb
Aba ni abakekwaho ubujura bafatiwe mu mujyi wa Rusizi (Foto Bahuwiyongera S)

Bavuga ko ikibabaje ari uko hari n’abacuruzi bamwe mu mujyi wa Rusizi bakorana n’abo bajura, bakabagurira ibyo bibye rwihishwa, aho usanga hari ahahora hakorerwa za moto, amagare, amaradiyo, za televiziyo n’ibindi hahora ibyuma bishyashya biba bimeze nk’ibyavanywe ku biba byibwe abaturage.

Hari n’abacuruzi kandi bagura imyaka yibwe nk’ibishyimbo, ibitoki biba byibwe hirya y’umujyi n’ibindi, bakanasaba ko uvumbuweho gukorana n’abajura abagurira ibyo bibye na we yajya ahanwa akanagayirwa mu ruhame rw’abaturage bose.

Ibihano nk’ibi ngo byafasha ko uwiyushye akuya ashaka akantu adakomeza kukabura amanzaganya kubera uburangare bw’abayobozi.

Mukantwari Béatha, utuye mu mudugudu wa Burunga, akagari ka Burunga, mu murenge wa Gihundwe, yagize ati “Duherutse kubyuka mu gitondo dusanga baciye urugi biba ibikoresho basanze muri salo birimo na televiziyo, batwara n’ibyari mu kabati byose.

Ubwo bari bibye n’ahandi, baza no gufatwa nyamara bagejejwe kuri polisi bigeze nimugoroba tubona ngabo barekuwe, bidutera ubwoba kurushaho kuko iryo joro barongeye baragaruka n’ubundi baratwiba, nkabona hakwiriye ingamba zihariye kuko bazanatwica ni cyo gisigaye.”

Nyandwi Charles, ushinzwe umutekano muri uyu mudugudu wa Burunga, avuga ko uretse insoresore zijya mu nkengero z’umujyi zikambura abaturage amafaranga, amatelefoni n’ibindi, gutobora amazu y’abaturage na byo byeze.

Yemeza ko hari n’abitwikira imvura iyo iguye ari nyinshi nijoro bagaca inzugi abaturage batumva, aho batwara amagare, amateleviziyo, ibikoresho byo mu nzu, abatwara ibiryo bihiye n’ibindi, ugasanga bakwiye gufatirwa ibihano birenze kugezwa kuri polisi bakarekurwa.

Yagize ati “Hari abo dutesha amatungo turi ku irondo, hari abo dufatana za moto bazishwanyaguje bikoreye ibyuma byazo, n’ibindi, tuzi na bamwe mu bacuruzi n’abafite amagaraje babagurira ibyo bibye, ibi byose biteza umutekano muke mu baturage.

Tugasaba ko batakongera kujenjekera igisambo tubashyikirije, kuko iyo kigarutse cyigamba ku baturage ko gishobora no kubica bakomeje kukivugaho.”

Umunyamabanga nshingwabikorwa w’umurenge wa Kamembe ufite igice kinini cy’umujyi, Ntivuguruzwa Gervais, avuga ko izi nsoresore zibuza abaturage umutekano zibiba ibyabo zahagurukiwe.

Avuga ko ubu zimwe zifatwa zikajyanwa mu kigo ngororamuco cya Gashonga, bakaba badakwiye gucika intege, uwo baketseho kwiba cyangwa kwambura abaturage ibyabo bakamushyikiriza ubuyobozi, abagura ibyibano na bo bakabagaragaza kugira ngo uko umujyi ukura udakomeza gukurana ingeso nk’izi z’ubujura n’izindi zisubiza inyuma iterambere ry’abaturage.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.