Advertisement
 
 
 
 
 
 
 
 

Amakuru | Mu Ntara | Intara

Rusizi:Ababyarira ku kigo nderabuzima cya Mashesha baratabarizwa   

  Yanditswe na BAHUWIYONGERA SYLVESTRE
 April 2016

 
 

Ikibazo cy’aho ababyeyi babyarira(maternite) mu kigo nderabuzima cya Mashesha giherereye mu murenge wa Gitambi, mu karere ka Rusizi, gihangayikishije ababyeyi bahabyarira, ubuyobozi bw’ikigo nderabuzima n’ubw’uyu murenge bose bakavuga ko hatagize igikorwa vuba ingaruka zaba nyinshi.

Iki kibazo ngo cyaturutse ku buryo inzu yabyarirwagamo mbere yari yubatse kuko yari imaze imyaka igera kuri 53 yose kandi yari isanzwe itanubatse neza, umutingito wa 2008 ukaba wari warayishegeshe, ikaba yashoboraga kugwira abayirimo umwanya uwo ari wo wose, ubuyobozi bukaba bwarafashe icyemezo cyo kuyifunga kugira ngo birinde impanuka.

Muri iki kigo nderabuzima ngo hashoboraga kwakirirwa ababyeyi bagera kuri 50 baje kubyara, ariko ubu bafashe utwumba duto dufunganye aba ari ho babyariza, ku buryo ngo kubona umwuka uhagije ari ingorabahizi.

JPEG - 188.3 kb
Uyu aryamanye n’umurwaza we n’umwana yabyaye (Foto Bahuwiyongera S)

Ibi bibazo bitandukanye ngo bituma nk’umubyeyi washoboraga kuhamara icyumweru kugira ngo yitabweho neza, amara iminsi itarenze 2 agataha atanakize neza kugira ngo babone aho abandi babyarira.

Imanishimwe Denyse, Imvaho Nshya yasanze amaze amasaha 5 abyaye, yagize ati:“N’ubu ndumva nta mwuka mfite kuko nabyariye ahafunganye, undwaje turyamanye ku gitanda kimwe n’umwana ku buryo guhumeka ari ikibazo kuri twese, kandi kano kumba turimo reba uko kameze.

Umaze kubyara ntabona aho aruhukira heza, kujya mu bwiherero ni ugukora urugendo kandi urabona uko meze, mbese dukeneye gutabarwa.”

Si ababyara bahangayitse gusa, n’abababyaza bafite ikibazo.Uwera Jacqueline yagize ati:“Kubera ko twamenyereye gukorera ahisanzuye kubyariza ahantu nk’aha byaradutonze cyane, kuko kwegeranya ababyeyi gutya bishobora gutera indwara haba mu bana cyangwa mu babyeyi.Ntaho tubona dushyira ibikoresho na byo turabigerekeranya, n’izindi ngorane, mbese birakomeye cyane.”

Umuyobozi w’iki kigo nderabuzima Ndagijimana Gervais, avuga ko ubuzima ababyeyi bahabyarira barimo buteye impungenge, kuko hari n’igihe babashyira ku gitanda kimwe ari 2 cyangwa 3 n’impinja zabo, bakaba basanga ari ngombwa ko bubakirwa kugira ngo batabare ababyeyi.

Yagize ati:“Ikibazo twakigejeje ku nzego zose bireba zirimo itorero ADEPR rikireberera, Akarere na ko karagisuzuma kagikorera inyandiko itabaza MINISANTE, dutegereje ikizakorwa.”

Umunyamabanga nshingwabikorwa w’uyu murenge Niwemugeni Marie Claire, na we aragaragaza impungenge afitiye aba babyeyi, akavuga ko ikibazo kizwi, bityo bagiye gukomeza ubuvugizi.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.