2017-07-22 13:49:51 clouds 27o High | Kigali Rwanda

Dukurikire:
 
 

Rulindo: Yishe umugore we amukase ijosi

Yanditswe na IMVAHO NSHYA

Kuya 2016-10-03 15:09:41

 
Share on:
 
Yasuwe:20
 
Yavuzweho:200
 
10
 
10

Biziyaremye Jean Marie Vianney utuye mu mudugudu wa Riryi, akagari ka Mugote, umurenge wa Ngoma mu karere ka Rulindo yishe umugore we amuteye icyuma mu ijosi kuri uyu wa 3 Ukwakira 2016.

Abaturanyi b’uyu muryango bavuga ko uyu mugabo w’imyaka 35 yari afitanye amakimbirane n’umugore we Muhawenimana Ernestine w’imyaka 36.

Bavuga ko Biziyaremye yigeze kwiba i Kigali akaza gufatwa agafungwa imyaka 6, ngo afunguwe yasanze umugore yarabyaye, barakomeza barabana, umugabo amusaba kugurisha inzu yabo iri mu rusisiro rwa Remera ariko umugore arabyanga.

Uyu mugabo yahise atangira kumucyurira ko yabyaye ari mu gihome, umugore aramuhunga, undi nawe ahita azana undi witwa Ndacyayisenga Christine w’imyaka 29.

Abaturage baganiriye n’Imvaho Nshya bahamya ko Biziyaremye yishe uwo mugore kugira ngo atazamubangamira.

Umurambo wa nyakwigendera woherejwe ku bitaro bya Rutongo naho ukekwaho ubwicanyi yoherezwa kuri sitasiyo ya polisi ya Bushoki.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE