Advertisement
 
 
 
 
 
 
 
 

Amakuru | Mu Ntara | Intara

Rulindo: Yishe umugore we amukase ijosi   

  Yanditswe na IMVAHO NSHYA
 4 months ago

 
 

Biziyaremye Jean Marie Vianney utuye mu mudugudu wa Riryi, akagari ka Mugote, umurenge wa Ngoma mu karere ka Rulindo yishe umugore we amuteye icyuma mu ijosi kuri uyu wa 3 Ukwakira 2016.

Abaturanyi b’uyu muryango bavuga ko uyu mugabo w’imyaka 35 yari afitanye amakimbirane n’umugore we Muhawenimana Ernestine w’imyaka 36.

Bavuga ko Biziyaremye yigeze kwiba i Kigali akaza gufatwa agafungwa imyaka 6, ngo afunguwe yasanze umugore yarabyaye, barakomeza barabana, umugabo amusaba kugurisha inzu yabo iri mu rusisiro rwa Remera ariko umugore arabyanga.

Uyu mugabo yahise atangira kumucyurira ko yabyaye ari mu gihome, umugore aramuhunga, undi nawe ahita azana undi witwa Ndacyayisenga Christine w’imyaka 29.

Abaturage baganiriye n’Imvaho Nshya bahamya ko Biziyaremye yishe uwo mugore kugira ngo atazamubangamira.

Umurambo wa nyakwigendera woherejwe ku bitaro bya Rutongo naho ukekwaho ubwicanyi yoherezwa kuri sitasiyo ya polisi ya Bushoki.

 

Comments

 
 
Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe
Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe

Ubuyobozi bw’akarere ka Ngoma buvuga ko bwohereje agagenzuzi gukurikirana ikibazo cy’abaturage bavuga ko bahawe akazi ko kubaka ibiro by’akagari k’Akagarama ntibishyurwe. Aba baturage bo mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.