Advertisement
 
 
 
 
 
 
 
 

Amakuru | Mu Ntara | Intara

Rulindo: Uwishe umukobwa we w’ikinege yakatiwe gufungwa burundu   

  Yanditswe na BASANDA NS OSWALD
 April 2016

 
 

Ntamunoza Jean de Dieu, ufite imyaka 51, yakatiwe gufungwa burundu ku wa 12 Mata 2016 nyuma yo kwica umwana we w’umukobwa amutemesheje ishoka incuro ebyiri mu mutwe.

Ntamunoza wari utuye mu Mudugudu wa Kibingwe, akagari ka Murama, umurenge wa Kisaro, mu Karere ka Rulindo ari naho yaburaniraga, yasomewe ibyaha aregwa imbere y’abaturage, ahamwa n’icyaha cyo kwihekura, akica umukobwa we Muhawenimana Julienne wari ufite imyaka 25.

Yahanwe hifashishijwe ingingo ya 143 mu gitabo cy’amategeko ahana y’u Rwanda rigena ko kwihekura bihanishwa igifungo cya burundu.

JPEG - 109.8 kb
Ntamunoza yaburaniraga imbere y’abaturage

Uwo mugabo yireguye agira ati ‘‘Ntabwo nari nabigambiriye kuko namukubise ishoka nzi ko ari igiti mukubise’’.

Yakomeje kandi avuga ko uwo mwana ari we wabanje kumwendereza kuko ngo yamusembuye akabanza kumutera ibuye ku kaguru ubwo batonganaga bapfa inka y’uwo mukobwa ise yashakaga kugurisha anamusaba ko yamwubakira inzu y’uburushyi.

Ibisobanuro bya Ntamunoza, byagaragaraga ko bitanyuze abaturage bari bamuteze amatwi kuko hari aho yageraga bagasa nk’abijujuta.

Mutabazi Harisson, Perezida w’Urukiko rwisumbuye rwa Gicumbi, wasomye imyanzuro y’urubanza yavuze ko ibimenyetso byagendeweho harimo ubuhamya bw’umugore we witwa Ntamukujije, ibyagaragajwe n’abaganga na nyiri ubwite rimwe na rimwe wemeraga icyaha.

Rutayisire Tharicisse, umuyobozi ushinzwe imiyoborere myiza mu Karere ka Rulindo yasabye abaturage kwirinda ibyaha by’ubwicanyi aho yagize ati ‘‘Ntabwo ubuyobozi buzakomeza kurebera abakora ibyaha gusa, kuko amategeko abihana ahari’’.

Abaturage bishimiye kuba urwo rukiko n’ubuyobozi bw’akarere ka Rulindo byaremeye ko uwo mugabo aburanushirizwa mu ruhame kuko ngo bizatuma n’abandi batinya ubwicanyi.

 

Comments

 
 
Hamuritswe igishushanyombonera cy’umujyi wa Bugarama
Hamuritswe igishushanyombonera cy’umujyi wa Bugarama

Mu gihe kiri imbere igice kinini cy’umurenge wa Bugarama kigiye kuba umujyi wunganira umujyi wa Rusizi, igishushanyombonera cyawo kikaba cyaramurukiwe abatekinisiye b’akarere n’ubuyobozi bw’uyu (...)

Rusizi:Abaturage bafashe ingamba zo kwicungira umutekano
Rusizi:Abaturage bafashe ingamba zo kwicungira umutekano

Nyuma y’aho mu rukerera rwo ku wa 12 uku kwezi abantu bataramenyekana bateye mu kagari ka Ryankana mu murenge wa Bugarama bakaharasira abaturage 3 babiri bagahita bahasiga ubuzima, abaturage b’uyu (...)

Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.