Advertisement
 
 
 
 
 
 
 
 

Amakuru | Mu Ntara | Intara

Rulindo:Imihanda mibi yabujije abaturage kugana ibitaro bya Kinihira   

  Yanditswe na NGABOYABAHIZI PROTAIS
 April 2016

 
 

Guverineri w’Intara y’Amajyaruguru Bosenibamwe Aime, ahamya ko ibitaro bya Kinihira mu karere ka Rulindo bititabirwa nk’uko bikwiye, kuko magingo aya byakira 40% by’abakagombye kuhivuriza.

Uyu muyobozi avuga ko kuba ibi bitaro bititabirwa bidasobanuye ko abarwayi bagabanutse, ahubwo ngo biterwa ahanini n’uko kuhagera bigora abaturage baturuka mu bice bitandukanye.

Yagize ati:“Ibitaro bya Kinihira kuri ubu ababigana ni bake ukurikije ingano yabyo n’abaturage byagombye guha serivise, kuri ubu byakira 40% by’abarwayi byakagombye kwakira.

JPEG - 62 kb
mihanda igera kuri ibi bitaro ntitunganyije neza (Foto Ngaboyabahizi P).

Ikibazo rero ni umubare muto w’abarwayi babigana, bitavuze ko nta barwayi bahari mu miryango, ahubwo kubera imigendekere y’imihanda.Nk’ubu umurwayi wo muri Rulindo ahitamo kujya Nemba, uwa Gicumbi akajya mu bitaro bya Byumba kubera ko kugera yo bimworoheye”.

Guverineri Bosenibamwe akomeza avuga ko mu gukemura iki kibazo cy’uburyo bwo kugera ku bitaro, bahereye kuri gahunda yo kubaka umuhanda Base-Byumba, indi ngamba ya kabiri ngo ni uko byaba byiza muri biriya bitaro habaye serivise z’umwihariko zihatangirwa, ku buryo ukeneye iyo serivise wese agomba kujya kuyishakira kuri ibi butaro.

Ibitaro bya Kinihira biherereye mu kagari ka Butunzi, Umurenge wa Kinihira, bikaba ari bimwe mu bitaro byo muri iyi Ntara byubatswe ku buryo bugezweho.

Gusa bamwe mu baturage bavuga ko babura uko babigeraho kubera imihanda mibi, bigatuma bajya kwivuriza mu karere ka Gakenke, ahitwa i Nemba no kuri Nyirangarama mu karere ka Rulindo, kubera ko ari ho urugendo ruborohera mu bijyanye n’amatike.

Babonangenda Egide, umuturage wo mu murenge wa Kinihira yagize ati:“Ibi bitaro twabihawe tubikeneye, ariko kugira ngo tugeze hano umurwayi ni intambara.Urabona iyi misozi kuzamuramo umurwayi iyo yisindagiza bisaba nk’amasaha 5.

Iyo tugize ngo dufashe moto baduca amafaranga ibihumbi 3, aha rero ntiwavuga ngo ntitugana amavuriro ahubwo biterwa no kubura uburyo bwo kuhagera, yemwe hari n’abarembera mu ngo bakaza gukurwamo n’imbangukiragutabara.Turifuza ko iyi mihanda igana ku bitaro mu mpande zose yakorwa urugendo n’amatike bikoroha”.

Uyu muturage kimwe na bagenzi be bakomeza bavuga ko ko byari kujya byoroha iyo bisi itwara abagenzi Musanze-Gicumbi ikomeza gukora, kuko ngo nta muntu ufite tagisi wemera kugana muri iriya mihanda kubera iko imeze.

Ibitaro bya Kinihira byatangiye gukora mu mwaka wa 2012, ariko kugeza ubu ngo ntibirafungurwa k’umugaragaro.

 

Comments

 
 
Rubavu:Ubuyobozi bwiyemeje kugoboka abanyeshuri basizwe iheruheru n’inkongi y’umuriro
Rubavu:Ubuyobozi bwiyemeje kugoboka abanyeshuri basizwe iheruheru n’inkongi y’umuriro

Ubuyobozi bw’akarere ka Rubavu burizeza ubuvugizi abanyeshuri barangiza amashuri yisumbuye bagizweho ingaruka n’inkongi yibasiye ishuri ry’ababatisita mu Rwanda, riherereye mu mudugudu wa Muhato, (...)

Nyamasheke: Gitifu w’akagari yatawe muri yombi akurikiranweho amafaranga ibihumbi 2
Nyamasheke: Gitifu w’akagari yatawe muri yombi akurikiranweho amafaranga ibihumbi 2

Umunyamabanga nshingwabikorwa w’akagari ka Banda mu murenge wa Rangiro,mu karere ka Nyamasheke ari mu maboko ya polisi kuri sitasiyo ya Kanjongo akurikiranweho amafaranga 2400 yahawe n’abaturage (...)

Abagore  b’i Ngoma bishyize hamwe bagurirana ibitenge  buri mwaka
Abagore b’i Ngoma bishyize hamwe bagurirana ibitenge buri mwaka

Abagore bo mu murenge wa Murama, mu kagari ka Rurenge bishimira ko bahuje imbaraga ubu bakaba bagurirana ibitenge buri mwaka, kandi bakaba bafashanya binyuze mu itsinda bishyiriyeho ryo kubitsa (...)

Nyamasheke: Inkuba yakubise ikigo cy’ishuri ihungabanya abana b’abakobwa icyenda
Nyamasheke: Inkuba yakubise ikigo cy’ishuri ihungabanya abana b’abakobwa icyenda

Inkuba yakubise ku kigo cy’ishuri cya TTC mwezi giherereye mu murenge wa Karengera mu karere ka Nyamasheke ihungabanya abana b’abakobwa icyenda n’umugabo ukora hafi y’iryo shuri bajyanwa mu bitaro. (...)

Rubavu: Imicungire y’umutungo w’ishyirahamwe ry’abageze mu zabukuru irakemangwa
Rubavu: Imicungire y’umutungo w’ishyirahamwe ry’abageze mu zabukuru irakemangwa

Abasaza n’abakecuru 209 bo mu murenge wa Rubavu mu karere ka Rubavu bahoze bafashwa muri gahunda ya VUP, barasaba ko bahabwa inyungu z’umusaruro w’ishyirahamwe bari barashinze, ryitwa Baturebereho. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.