Advertisement
 
 
 
 
 
 
 
 

Amakuru | Mu Ntara | Intara

Rulindo: Hari abaremerewe no kuburara batabuze ibiryo   

  Yanditswe na BASANDA NS OSWALD
 March 2016

 
 

Abaturage bo mu murenge wa Rukozo mu karere ka Rulindo bavuga ko bakomerewe n’ikibazo cy’inkwi zabuze, ku buryo ngo hari ababwirirwa cyangwa bakaburara batabuze ibyo guteka, ahubwo babuze inkwi babitekesha.

Nyirabaziruwiha, umwe mu abaturage bo muri uwo murenge, avuga ko ikibazo cy’inkwi zo gutekesha kibaremereye cyane, kuko kuzibona ubwabyo bigoye, hakiyongeraho ko n’uzibonye azigura ku giciro gihanitse.

Yagize ati:“Ubu kugira ngo tubone inkwi tuzigura amafaranga hagati ya 30-50 ku kilo, hirya no hino nta mashyamba tugira, usanga abantu bibanze ku guhinga ibindi bihingwa bakibagirwa amashyamba kandi ari yo dukesha inkwi dutekesha ibidutunga.”

JPEG - 143.7 kb
Kubona inkwi mu murenge wa Rukozo bisigaye ari ihurizo rikomeye (Foto interineti)

Uyu mubyeyi kimwe na bagenzi bavuze ko icyo kibazo bakibwiye ubuyobozi bw’umurenge, bafata icyemezo cyo kubashakira uburyo bwa rondereza, biyogaze na cana rumwe, ariko ngo ubu buryo bahawe nabwo ntibupfa kwigonderwa na buri wese.

Rondereza ngo igurishwa amafaranga ari hejuri y’ibihumbi 26, amafaranga bemeza ko mu cyaro abonwa na bake.

Yakomeje agira ati:“Aborozi bo babashishikariza kugura biyogaze, ariko nabwo basabwa kuba bafite nibura inka 3 mu rugo, kandi abazifite ngo ni mbarwa.”

Undi muturage yagize ati:“Twari dusigaye dukoresha urwiri, inshinge, abaturage bagendaga batoragura amayayu ari yo mashami y’ibiti, ariko hari icyizere ko kizakemuka kuko ubuyobozi bwagihagurukiye kuko babonye kimaze gufata intera ndende”.

Isidore Niyitegeka, ushinzwe ubuhinzi n’ubworozi mu murenge wa Rukozo, nawe yemeza ko ikibazo cy’inkwi muri uyu murenge kiremereye abaturage.

Yagize ati:“Dufite ikibazo gikomeye cy’inkwi, nubwo atari abaturage bose kuko hari abafite udushyamba duto bakuramo inkwi, ariko twafashije abaturage kubona cana rumwe, biyogaze na rondereza mu rwego rwo gukemura icyo kibazo cy’ibura ry’inkwi”.

Abaturage bo muri uyu murenge bemeza ko hari ubwo kubona inkwi biba bigoye kurusha kubona ibiribwa ziteka, bagasaba ko hashyirwaho uburyo bworoheye buri wese, bwo kubona uburyo bwo guteka.

 

Comments

Izina Ryanyu
IGITEKEREZO

 
 
Kayonza:Bakusanyije miliyoni 6 ngo begerezwe amazi barayategereza baraheba
Kayonza:Bakusanyije miliyoni 6 ngo begerezwe amazi barayategereza baraheba

Abaturage bo muri Nyamugari mu murenge wa Ndego mu karere ka Kayonza bavuga ko bakusanyije amafaranga arenga miliyoni 6 ngo babone amazi meza, ariko ngo barayategereza baraheba. Igitekerezo cyo (...)

Rwamagana: Barasabwa gukumira ingengabitekerezo ya Jenoside bahereye mu bana
Rwamagana: Barasabwa gukumira ingengabitekerezo ya Jenoside bahereye mu bana

Umuyobozi w’akarere ka Rwamagana Mbonyumuvunyi Radjab, arasaba abaturage batuye muri aka karere kwirinda gukongeza ingengabitekerezo ya Jenoside mu bana bato, ahubwo bakayikumira kugira ngo (...)

Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.