Advertisement
 
 
 
 
 
 
 
 

Amakuru | Mu Ntara | Intara

Rulindo: Hari abangije amashanyarazi y’ingo z’abarokotse Jenoside   

  Yanditswe na BASANDA NS OSWALD
 12 April

 
 

Abantu bataramenyekana baciye insinga z’amashanyarazi agana mu ngo z’imiryango 3 y’abarokotse Jenoside yakorewe abatutsi, batuye mu mudugudu wa Gatwa, akagari ka Bugaragara mu murenge wa Shyorongi.

Ubuyobozi bw’umurenge wa Shyorongi bwemeza ko hangijwe insinga zifite uburebure bwa metero 48, kandi ngo abazangije bari bagamije guheza mu icuraburindi aba barokotse Jenoside, mu rwego rwo kubabangamira muri iki gihe cyo kwibuka.

Umunyambanga Nshingwabikorwa w’umurenge wa Shyorongi Sebagabo Nkunzingoma, yagize ati:“Kubera igikorwa cy’abo bagizi ba nabi bashakaga ko abacitse ku icumu bahera mu bwigunge, kuko ari cyo bari bagamije.

Abaturage batuye muri uwo mudugudu bahise bishyira hamwe bishakamo amafaranga bongera bagura izindi nsinga bashyiramo amashanyarazi, kugira ngo umugambi mubisha bari bafite utagerwaho nk’uko babyifuzaga”.

JPEG - 253.2 kb
Abaturage b’i Shyorongi basabwe kwamaganira kure icyabazanamo amacakubiri (Foto Basanda O)

Umuyoboz w’Akarere ka Rulindo Kayiranga Emmanuel, yavuze ko n’ubwo abo bantu bashatse gutera ubwoba abarokotse Jenoside ntacyo bagezeho, kuko iyo babikora abaturage ntibahite babatabara ngo bongere babasanire insinga, bari kwirata ibyo bakoze.
Yagize ati:“Turashimira abaturage ko bahise babitesha agaciro bakazinduka batanga umuganda wabo, bakongera bakagura insinga z’amashanyarazi, izo ingo ntizirare mu icuraburindi nk’uko babyifuzaga”.

Abaturage b’uwo mudugudu biyemeje gukomeza kuba hafi y’abo barokotse Jenoside, bavuga ko biyemeje kubarindira umutekano kugira ngo hatagira icyabahungabanya muri iki gihe cy’icyunamo, aho abanyarwanda bibuka abazize Jenoside yakorewe abatutsi.

Umuyobozi w’Akarere ka Rulindo yakanguriye abaturage gukomeza kwirinda amacakubiri, bakoresha umutima nama kandi bakirinda amarangamutima yo guhishira abagizi ba nabi.

 

Comments

Who are you?
Your post
  • To create paragraphs, just leave blank lines.

 
 
Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Karongi:Abaturage 31 bajyanwe mu bitaro bazira ikigage banyoye mu bukwe
Karongi:Abaturage 31 bajyanwe mu bitaro bazira ikigage banyoye mu bukwe

Abaturage 31 bo mu mudugudu wa Nyagahinga, Akagari ka Ruhinga mu murenge wa Gitesi ho mu karere ka Karongi, bamaze iminsi mu bitaro, nyuma yo kunywa ikigage bikekwa ko gihumanye mu bukwe. Aba (...)

Uburengerazuba: Guverineri Munyantwari yasabwe kwihutisha iterambere
Uburengerazuba: Guverineri Munyantwari yasabwe kwihutisha iterambere

Abanyamuryango ba FPR Inkotanyi mu ntara y’Uburengerazuba, batoye Guverineri Munyantwari Alphonse nk’umuyobozi mushya w’uyu muryango muri iyi Ntara, bamusaba kwihutisha iterambere. Guverineri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.