2017-06-25 13:58:23 clouds 27o High | Kigali Rwanda

Dukurikire:
 
 

Rulindo:Bamwe mu bana bata ishuri kubera urugendo rurerure

Yanditswe na IMVAHO NSHYA

Kuya 2016-05-11 13:53:52

 
Share on:
 
Yasuwe:66
 
Yavuzweho:200
 
10
 
10

Bamwe mu bana bo mu mirenge itandukanye y’akarere ka Rulindo babangamirwa bikomeye n’urugendo rw’amasaha arenga abiri bakora bajya ku ishuri, iyi ikaba ifatwa nk’imwe mu mpamvu zituma bata ishuri bakiri bato.

Nko mu gace kitwa Iperu ku gasantere ka Marenge mu murenge wa Masoro, abana bo mu Mudugudu wa Kabanyana iyo bajya ku ishuri baterera umusozi, kugira ngo bazagere ku ishuri bikabagora, bigatuma bamwe bareka kwiga batarangije amashuri.

Marie Josée Mukakanani, umuyobozi ushinzwe uburezi mu murenge wa Masoro, asobanura iki kibazo yagize ati:“Ubu twatangiye gukora imishyikirano n’abayobozi b’insengero na kiriziya ngo badufashe abana bajye bigira mu nsengero na kiriziya, kuko abana bato badashobora kugera aho amashuri aherereye, kandi bibasaba guterera imisozi.”

JPEG - 114.8 kb
Harasabwa ubufatanya ngo abana bata ishuri bagabanuke (Foto-Internet

Mukakanani yakomeje agira ati:“Utwo duce nta ‘gardienne’ tugira nta byumba by’amashuri bihari, mu gihe tutari twabona ubushobozi bwo kongera ibyumba turimo kuvugana n’abayobozi b’insengero ngo babe badutije kugira ngo abana bazabashe kwigiramo”.

Umuyobozi w’akarere ka Rulindo Kayiranga Emmanuel, yavuze ko ikibazo cy’abana batari mu ishuri bamaze kugihagurukira kandi ko bizera ko nta mwana n’umwe uzasigara atagiye ku ishuri.

Yagize ati:“Nta mwana wagombye kuba atari mu ishuri, kuko nta handi agomba kubarizwa”.

Naho kuri icyo kibazo cy’abana badafite aho bigira yavuze ko buri mwaka bagira gahunda yo kongera ibindi byumba by’amashuri, bityo n’abo bakazagerwaho bakazabona ibyumba bigiramo.

Uyu muyobozi yakomeje avuga ko umuntu wese uzagira uruhare rutuma abana bata ishuri uhereye ku mubyeyi, umukoresha we n’umwana uzabigiramo uruhare ku giti cye, agomba guhanwa hifashishijwe amategeko ahana y’u Rwanda.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE