2017-10-18 18:43:44 clouds 27o High | Kigali Rwanda

Dukurikire:
 
 

Perezida Kagame yiyamamarije muri Rulindo na Nyarugenge

Yanditswe na IMVAHO NSHYA

Kuya 2017-07-20 08:55:42

 
Share on:
 
Yasuwe:320
 
Yavuzweho:200
 
10
 
10

Abaturage bo mu karere ka Rulindo bazindukiye mu kagari ka Gasiza, umurenge wa Bushoki aho umukandida w’umuryango FPR Inkotanyi n’amashyaka bafatanyije, Paul Kagama aza kwiyamamariza.

Mu masaha ya kare ya mu gitondo, abaturage bari bamaze kuzura ku kibuga giteganyirijwemo ibikorwa byo kwiyamamaza, bakabakaba 200 000.

Bishimira byinshi bagezeho muri manda ishize, birimo ko bagejejweho amazi mu mirenge yose, bakubakirwa sitade i Shyiongi, ibikorwaremezo nk’umuhanda wa Mukoto-Tumba, ibigo nderabuzima n’ibitaro bya Kinihira.

Ahagana saa tanu n’igice nibwo Umuyobozi w’ikirenga wa FPR Inkotanyi, Paul Kagame yari ageze mu Gasiza, yakiranwa amashyi menshi.

Umuyobozi w’ishyaka rya PSD, Dr. Vincent Biruta, avuga ko bahisemo Perezida Kagame kubera ko bakunda iterambere.

Ati "Ishyaka ryacu kuko ari ishyaka rikunda gukora ibintu bikwiye mu gihe gikwiye, twajyanye n’Abanyarwanda, twemeza ko itegeko nshinga rikwiye guhinduka, nyuma twemeza ko umukandida wacu ari Nyakubahwa Paul Kagame. "

Yongeyeho ko akarere ka Rulindo kashegeshwe na Jenoside yakorewe Abatutsi mu 1994, ariko kuri ubu kakaba gahumeka umwuka w’ubumwe n’ubwiyunge, gafite amajyambere.

Perezida Kagame yabwiye abaturage ba Rulindo ko kimwe n’igihugu cyose akarere ka Rulindo kimirije imbere iterambere. Yababwiye ko amatora yo ku ya 4 Kanama ari ikimenyetso cyo gukomeza gushyira hamwe bagakora bagamije gutera imbere.

Yakomeje agira ati "Banya Rulindo, imikorere myiza, imikorere y’iterambere, mu buhinzi mu bworozi mu mashuri mu bikorwa remezo n’ibindi nibyo dushaka mu gukomeza gutera imbere. Hari n’indirimbo yahoze ivuga ngo ntawabisenya ndeba. Tubyubake twese, tubyubakire hamwe twese, tunabirindire hamwe twese, kugira ngo dukomeze tubyubakireho.

FPR Inkotanyi, abayoboke n’abayobozi bayo nibyo kuva na kera twatojwe, twakojwe kubaka ahubwo turwanya abasenya. Uwo muco no muri Rulindo birazwi ko uhaganje, mukomereze aho ngaho.

Igikorwa cyavuzwe cy’itariki enye z’ukwezi kwa munani ni igikorwa cyitwibutsa gukomeza kwandika amateka mashya, amateka yo kubaka, amateka yo kugira ngo urubyiruko rwacu, abana bacu, abariho ubu n’abazabaho ejo basange igihugu kibiteguye kibaha amahirwe bakayubakiraho bakageza igihugu ku rundi rwego ruteye imbere.

Ni mwebwe tureba, ni mwebwe dutezeho amaso yo gukorana no gukora ibyiza biduteza imbere, itariki enye ni umuhango wo kongera gushimangira iyo nzira turimo. Ni byiza cyane. Inzira tumazemo iminsi ni inzira itagira uwo isiga inyuma, yaba umugore, yaba umwana, yaba umugabo yaba umusaza ntawe twifuza gusiga inyuma ahubwo buri wese tumusaba umusanzu we hanyuma tukagendera hamwe.
Nahoze numva muvuga ijana ku ijana,ijana ku ijana buriya ni iy’itariki enye z’ukwamunani ariko ni na bwa bushake bwo kugira ngo twiteze imbere, ubushake, kubihagararah, ibikorwa, ijana y’amatora ivamo ijana ku ijana y’ibikorwa."

Uko kwiyamamaza byagenze i Nyarugenge

Ku gicamunsi cyo kuri uyu wa 20 Nyakanga 2017, umukandida Paul Kagame yiyamamarije mu murenge

Nyuma yo kwiyamamaza I Rulindo, umukandida Paul Kagame yiyamamarike I Nyamirambo ahakunze kwitwa ‘Tapis Rouge’ hari hateraniye imbaga nini y’abaturage.

Umutegarugori Muneza Nilla yatanze ubuhamya bw’uko yiteje imbere kubera ubuyobozi bwiza agakora none ubu akaba afite kompanyi “Royal” itwara abagenzi mu mujyi wa Kigali na Hotel.

Muneza yavuze ko kuri ubu akoresha abakozi basaga 300, yemeza ko amufata nk’intuma y’Imana kubera ukuntu yagejeje Abanyarwanda ku buzima bwiza.

Mu butumwa bwe, Perezida Kagame yavuze ko cyera u Rwanda rwari ruyobowe nabi, ugasanga Abanyarwanda bacibwamo ibice bamwe bagahezwa, ariko ngo ubu byarahindutse burundu.

Ati “ Ariko noneho, dufite amahirwe yo kuba duhari, dufite amahirwe yo kugira urubyiruko, dufite amahirwe yo kugira abagore n’abagabo bumva noneho ntibumve ko harimo gusumbana ahubwo harimo kuzuzanya. Bakumva ko hariho abayisilamu, abakirisitu ndetse n’abemera ukundi n’abatemera. Na bo ni abantu. Ni abantu bakwiye kugira uburenganzira bwo kuba umuntu ndetse abo bose bakorera hamwe, ibyo tugeraho ni byinshi.”

Yasabye abaturage ba Nyarugenge kuzitabira amatora, bagatora neza bityo bakongera umuvuduko w’iterambere u Rwanda rufite.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE