Advertisement
 
 
 
 
 
 
 
 

Amakuru | Mu Ntara | Intara

Ruhango:Imiti ikuramo inda yatwikanwe n’ibiyobyabwenge   

  Yanditswe na MUHIZI ELISÉE
 May 2016

 
 

Akarere ka Ruhango na Polisi y’igihugu batwitse ku mugaragaro ibiyobyabwenge birimo kanyanga, urumogi, ndetse n’imiti ikuramo inda.

Mbabazi Francois Xavier, umuyobozi w’aka karere avuga ko dosiye z’ababifatanywe zashyikirijwe ubushinjacyaha.

Ku gicamunsi cyo kuri uyu wa Gatatu nibwo inzego z’akarere na Polisi zerekanye mu ruhame ibiyobyabwenge birimo litiro igihumbi za kanyanga, ibiti bibiri by’urumogi n’ibindi biyobyabwenge bitandukanye.

Mu byerekanwe kandi harimo imiti bivugwa ko yifashishwa mu gihe cyo gukuramo inda, icyaha gihanwa n’amategeko mu Rwanda.

JPEG - 229.3 kb
Abayobozi b’inzego zitandukanye bamena ibiyobyabwenge (Foto Muhizi E)

Igikorwa cyo guhiga abakoresha ibi biyobyabwenge cyakorewe mu mirenge hafi yose igize akarere ka Ruhango, Mbabazi Francois Xavier umuyobozi w’Akarere ka Ruhango ari nawe wari urangaje imbere igikorwa cyo kumena no gutwika ibiyobyabwenge, avuga ko abakoreshaga ibi biyobyabwenge batawe muri yombi kandi ko dosiye zabo ziri mu bushinjacyaha, ku buryo bagiye guhanwa hakurikijwe amategeko.

Mbabazi asaba urubyiruko rwiga ndetse n’urutiga kwirinda ibiyobyabwenge, ahubwo bagatungira urutoki ubuyobozi aho biri, kuko byangiza ubuzima bw’abaturage.

Yagize ati:«Ndasaba mwebwe rubyiruko n’abandi baturage muri rusange ko mwirinda ibiyobyabwenge.»

Habinshuti Claude, wiga mu ishuri ryisumbuye rya Ruhango, avuga ko urubyiruko rukoresha ibiyobyabwenge usanga ahanini ari urubyiruko rutagira indangagaciro n’umuco nyarwanda, ndetse ko hari abacikirije amashuri banze kwiga, ahubwo bagahitamo kwiroha mu bikorwa bitabafitiye akamaro.

Yaba uru rubyiruko kimwe n’abandi baturage bose bo muri aka karere, basabwe kwirinda ibiyobyabwenge no gukoresha imiti itemewe, kuko n’ubwo ubikoresha aba yumva yigirira neza, birangira bimugizeho ingaruka zikomeye cyane.

Supt Jean Bosco Ndayisaba, umuyobozi wa Polisi mu karere ka Ruhango, avuga ko hari ibihano bikarishye byashyizweho ku buryo ubirenzeho ahanwa bikomeye, akavuga ko abaturage bakwiriye kujya borohereza inzego z’umutekano gutanga amakuru y’abakoresha ibiyobyabwenge, kuko bikurura umutekano muke.

Ingingo ya 594 y’igitabo cy’amategeko ahana ibyaha mu Rwanda, ivuga ko umuntu wese unywa, witera, uhumeka, wisiga cyangwa ukoresha ubundi buryo ubwo aribwo bwose ibiyobyabwenge n’urusobe rw’imiti ikoresha nkabyo mu buryo bunyuranyije n’amategeko, ahanishwa igifungo kuva ku mwaka umwe kugeza ku myaka itatu, n’ihazabu y’amafaranga y’u Rwanda kuva ku bihumbi mirongo itanu kugeza kuri magana atanu.

Iri tegeko kandi rivuga ko umuntu wese ukora, uhindura, winjiza, ugurisha mu gihugu ibiyobyabwenge n’urusobe rw’imiti ikoreshwa nkabyo mu buryo bunyuranyije n’amategeko ahanishwa igifungo kuva ku myaka itatu kugeza ku myaka itanu n’ihazabu y’amafaranga y’u Rwanda angana n’ibihumbi magana atanu, kugeza kuri miliyoni eshanu.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Kayonza:Bakusanyije miliyoni 6 ngo begerezwe amazi barayategereza baraheba
Kayonza:Bakusanyije miliyoni 6 ngo begerezwe amazi barayategereza baraheba

Abaturage bo muri Nyamugari mu murenge wa Ndego mu karere ka Kayonza bavuga ko bakusanyije amafaranga arenga miliyoni 6 ngo babone amazi meza, ariko ngo barayategereza baraheba. Igitekerezo cyo (...)

Rwamagana: Barasabwa gukumira ingengabitekerezo ya Jenoside bahereye mu bana
Rwamagana: Barasabwa gukumira ingengabitekerezo ya Jenoside bahereye mu bana

Umuyobozi w’akarere ka Rwamagana Mbonyumuvunyi Radjab, arasaba abaturage batuye muri aka karere kwirinda gukongeza ingengabitekerezo ya Jenoside mu bana bato, ahubwo bakayikumira kugira ngo (...)

Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.