Advertisement
 
 
 
 
 
 
 
 

Amakuru | Mu Ntara | Intara

Ruhango:Abakozi b’ibagiro ry’Akarere barishyuza rwiyemezamirimo uvuga ko atabazi   

  Yanditswe na MUHIZI ELISÉE
 5 months ago

 
 

Hashize iminsi ibiri ibagiro ryo mu Karere ka Ruhango rihagaritse imirimo, iki kibazo kikaba cyaratewe na rwiyemezamirimo watinze guhemba abakozi bakora muri iri bagiro nabo bafata icyemezo cyo kuba basubitse imirimo yo kubaga amatungo maremare n’amagufi.

Mvuyekure ldephonse Issa, umwe mu babazi bakora muri iri bagiro rya Ruhango, avuga ko kuva aho Akarere gahereye rwiyemezamirimo ibagiro, batari bamubona kuko adakunze kugaragara kugira ngo bamubwire ibibazo bahura nabyo.

Mvuyekure yongeyeho ko hashize ukwezi kurenga amafaranga y’umushahara w’ukwezi kwa Nzeli bagombaga guhembwa batayabonye ndetse bakaba batewe impungenge n’uko muri aka Karere uyu rwiyemezamirimo ahafite imyenda myinshi ku buryo ashobora guhagarika akazi atabishyuye cyane cyane ko yahawe iyi mirimo nta piganwa ribaye.

Yagize ati «Turi mu gihirahiro kuko twiyambaje n’ubuyobozi bw’Akarere tukaba tugejeje uyu munsi nta gisubizo bwari bwaduha cy’ukuntu tugomba kwishyurwa amafaranga twakoreye.»

JPEG - 148.6 kb
Ibagiro ry’Akarere rimaze iminsi rifunze (Foto Muhizi E)

Minani Nicodème we yagize ati “Ayo mafaranga niyo twagombye kuvanamo mituweli kubera ko ntayo atwishyurira, bamwe muri twe bafite abarwayi bari mu bitaro ku buryo niba bataduhembye mu minsi ya vuba ibitaro bitatwemerera gusohoka tutishyuye.

Kabanda Aimable aba baturage bavuga ko ariwe rwiyemezamirimo wahaye iri bagiro, ku murongo wa telefone ngendanwa yabwiye Imvaho Nshya ko ntaho ahuriye n’iki kibazo, ahubwo ngo bishoboka ko aba babazi bamwitiranije n’undi muntu waba warabahaye akazi, kuko nta masezerano bafitanye nabo, bityo ko ntaho yahera abishyura.

Mbabazi Francois Xavier, Umuyobozi w’Akarere ka Ruhango, avuga ko bagiye kureba uko bakemura iki kibazo cy’aba bakozi kuko abaturage ba Ruhango badashobora kumara icyumweru batariye inyama, ndetse ngo bagiye gusesa amasezerano bagiranye n’uyu rwiyemezamirimo bitewe n’aya makosa n’imikorere idahwitse ari kugaragaza.

Meya yagize ati «Aba bakozi b’ibagiro bihangane mu masaha make turaba twakemuye ikibazo cyabo.»

Ibagiro rya Ruhango rifite ubushobozi bwo kubaga Inka 6 mu minsi y’imibyizi naho mu minsi y’isoko babaga izigera ku munani hatabariwemo amatungo magufi.Aba babazi bavuga ko baheruka kubaga ku cyumweru.

Gusa nubwo uyu Kabanda ahakana ko atahawe isoko ry’imicungire y’ibagiro, abakora muri iri bagiro bakeka ko yaba yararihawe mu buryo bunyuranije n’amategeko, ari nayo mpamvu ari kubihakana.

 

Comments

 
 
Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.