Advertisement
 
 
 
 
 
 
 
 

Amakuru | Mu Ntara | Intara

Ruhango:Abadepite basabye ko abaturage bahabwa amakuru y’ibibakorerwa   

  Yanditswe na UMUTONI BEATHA
 March 2016

 
 

Mu rwego rwo kureba aho imikoreshereze y’ingengo y’imari y’umwaka wa 2015-2016 igeze, komisiyo y’abadepite y’ingengo y’imari n’umutungo by’igihugu yasabye abayobozi b’akarere ka Ruhango guha amakuru abaturage, kuko ibyo bakora byose ari bo bikorerwa.

Nyuma yo kumurikirwa imikoreshereze y’ingengo y’imari muri aka karere, Depite Mukayuhi Constance, umuyobozi wa komisiyo y’ingengo y’imari n’umutungo by’igihugu, yasabye abayobozi kudaheza abaturage mu mikoreshereze y’umutungo w’igihugu, kuko ari bo bagenerwabikorwa.

Yagize ati:“Ubufatanye ni ingenzi mu mikoranire, mukwiye kongera uburyo muha abaturage amakuru ku bijyanye n’ibikorwa baba bagenewe, ndetse n’ibyo baba basabye, bagahabwa ibisubizo batagombye gutegereza igihe.”

JPEG - 123.4 kb
Abadepite bifuza ko abaturage bahabwa amakuru ku mikoreshereze y’ingengo y’imari (Foto Umutoni B)

Depite Mukayuhi kandi yanasabye ko uburyo bushya bwo kwinjiza imisoro ku bufatanye n’ikigo cy’igihugu gishinzwe imisoro n’amahoro bigaragara ko bukirimo ingufu nke muri aka karere, bwashyirwamo imbaraga kugira ngo ingengo y’imari y’aka karere yiyongere.

Yagize ati:“Nibyo ubu buryo buracyari bushya mu mikoranire na RRA, ariko kwinjiza imisoro biracyari hasi, kandi iyi misoro niyo iza kunganira ingengo y’imari ndetse no kuyongera.Hakwiye rero kugira igikorwa kugira ngo bigende neza, ikiza kandi ni uko tubona ko muri aka karere mwongereye abakozi ku buryo gutunganya imirimo bitagoye.”

Kabano Charles, umukozi ushinzwe ishami rishinzwe guhuza imirimo mu karere ka Ruhango, atangaza ko bishimiye kuba bahawe inama n’abadepite, yizeza ko biteguye kuzishyira mu bikorwa.

Yagize ati:“Twishimiye iyi komisiyo yadusuye, kuko byadufashije kubona inama kandi zifite akamaro, aho bitagenda neza cyane nko ku bijyanye n’imisoro, ikibazo twasanze ari uburyo abasora bo mu karere kacu biyandikishamo, bityo tugasanga hari abo tutamenya ko basora. Dukurikije rero inama batugiriye turizera neza ko iki kibazo kizakemuka.”

Ingengo y’imari y’akarere ka Ruhango muri uyu mwaka yariyongereye, kuko mu mwaka wa 2014-2015 yari miliyari zigera kuri 11, mu gihe muri uyu mwaka wa 2015-2016 yageze kuri miliyari zisaga 12.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.