2017-06-28 15:02:12 clouds 27o High | Kigali Rwanda

Dukurikire:
 
 

Rubavu: Yagwiriwe n’ikirombe ahita apfa

Yanditswe na IMVAHO NSHYA

Kuya 2016-04-20 15:40:05

 
Share on:
 
Yasuwe:1
 
Yavuzweho:200
 
10
 
10

Umugabo witwa Ngirinshuti Emmanuel yagwiriwe n’ikirombe bacukuramo amabuye ahita apfa mu gitondo cyo ku wa Mbere mu mudugudu wa Kabuye Kera, akagari ka Rubona, umurenge wa Nyamyumba, akarere ka Rubavu.

Iki kirombe cyagwiriye Ngirinshuti ni icya kompanyi icukura amabuye y’uwitwa Murekatete naho nyakwigendera akaba yabarizwaga muri Koperative yitwa Kabiyu.

Ubuyobozi bw’ukagari ka Rubona buvuga ko iki kirombe cyahitanye umuntu cyari kimaze iminsi gihagaritswe ba nyiracyo babujijwe kongera gukora kubera ibibazo babonaga gishobora guteza ariko ngo babirenzeho bakora binyuranyije n’amategeko.

JPEG - 136.9 kb
Bari barasabwe gufunga icyo kirombe barinangira (Foto- Internet).

Umunyamabanga Nshingwabikorwa w’akagari ka Rubona, Clementine Niyibizi yatangarije Imvaho Nshya ati “Muri ibi bihe by’imvura nyinshi twari twarasabye abakora ubucukuzi bw’ibirombe guhagarika akenshi bitewe n’amazi atengura ubutaka bikaba byakwangiza ubuzima bw’abantu ariko iyi Koperative Kabiyu yanze kubyumva.”

Yongeye ati “Turabasaba abacukura gukurikiza amategeko agenga ubucukuzi bw’ibirombe by’amabuye uyu witabye Imana nta bwishingizi yari afite kandi ntabwo byemewe twumvikanye nabo ko bagomba gushingura ibindi tukareba icyo amategeko avuga.”

Nsekerabanzi Evariste uhagarariye Koperative Kabiyu icukura amabuye avuga ko nyiri ikinombe yari yababwiye ngo babe bakora mu gihe ibyangombwa bigishakwa.
Ubwo Imvaho Nshy ayashakaga Francie Murekatete, nyiri ikirombe yamubuze aho akorera ndetse na telefoni ye ntiyacamo.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE