Advertisement
 
 
 
 
 
 
 
 

Amakuru | Mu Ntara | Intara

Rubavu: Yafatiwe ku ibagiro agurisha inka yibye   

  Yanditswe na IYAREMYE YVES
 22 March

 
 

Hategekimana Gasore w’imyaka 25 afungiwe kuri sitasiyo ya Polisi ya Gisenyi, nyuma yo gufatwa agurisha inka yibye umugabo witwa Surwumwe Boniface, utuye mu mudugugudu wa Cyubi, akagari ka Cyivugiza, umurenge wa Nyabirasi mu karere ka Rutsiro.

Nk’uko Hategekimana yabisobanuriye itangazamakuru, ngo yafatiwe hafi y’ibagiro ry’ahitwa Mbugangari mu mujyi wa Gisenyi, ubwo yaciririkanyaga n’abakorera muri iri bagiro ngo bamuhe amafaranga abahe iyo nka bayibage.

Yagize ati:“Byari bigeze nijoro numva binjemo kubera ubukene, ubwo rero nafashe umwanzuro wo kugenda mfumura inzu aho nari nzi neza uko barara ndayishorera batabizi.

JPEG - 76.3 kb
Inka yari yibwe na Hategekimana.Aha ba nyirayo bari bamaze kuyisubizwa (Foto Iyaremye Y)

Nafashe abantu babiri bamfasha kuyishorera nijoro, nyigejeje hano ku ibagiro narimo mvugana nabo ngo bampe amafaranga ibihumbi y’u Rwanda 250, ubwo inzego z’umutekano ziba ziramfashe.Icyaha ndacyemera nkanagisabira imbabazi.”

Imbabazi Hategekimana asaba azishingira ku kuba ubujura yakoze atari ubw’umwuga, ahubwo ngo ibyo yakoze yabitewe n’inzara yari afite, ibi bigashimangirwa n’uko aba yibye inka ngo bafitanye isano y’imiryango.

Iyi nka yibwe mu ijoro ryo kuwa gatanu rishyira kuwa gatandatu, aho Hategekimana yapfumuye inzu iyi nka yari iziritsemo, dore ko ngo abaturage bo mu gace iyi nka yibwemo baraza amatungo mu nzu batinya ko yakwibwa.

Ndigabandi Marceline, umugore wa Serwumwe wari wanamuherekeje kwakira inka yabo yari yibwe, yishimiye yabonetse, anashimira inzego z’umutekano ku kuba zihana amakuru bikagera n’aho inka zibwe zifatwa.

Yaboneyeho gusaba ubuyobozi kandi gukomeza gukaza umutekano, kuko ngo ubujura bw’amatungo iwabo bukomeje kuvuza ubuhuha, kugeza ubwo ngo umuturage yibwa inka kandi baraye mu nzu imwe.

Yagize ati:“Kuba nabonye inka ndabishimira Imana, iwacu ntabwo byoroshye kuko kuzirika itungo no ku manwa utaririho usanga baritwaye. Rero icyo dukora burira tukayazirika mu nzu tubamo nabwo ugasinzira udasinziriye kuko hari ubwo baza bagapfumura inzu uryamyemo.

Ntabwo ari ubwa mbere mfumuriwe inzu kuko mu minsi yashize barinjiye barapfumura batwara intama eshatu.”

Harerimana Blaise, umuyobozi w’akarere ka Rubavu ushinzwe ubuhinzi, ubworozi n’umutungo kamere, avuga ko ubujura bw’amatungo bukomeje kuba kwiyongera, gusa akemeza ko bwahagurukiwe n’inzego zose bireba.

Usibye uyu ufungiye kuri sitasiyo ya Gisenyi, hari n’abandi bakekwaho kwiba inka 9 zafashwe ari nzima bahafungiye, iperereza rikaba rigikomeje.

Mu karere ka Rubavu hashize iminsi havugwa ubujura bukabije bw’amatungo ndetse n’ubucuruzi bw’inyama butemewe, dore ko ngo izi nka ziba zibwe zikunze kubagirwa mu mabagire atemewe ndetse n’inyama zikagurishwa mu buryo akarere kita akajagari.

Ubwo Polisi y’igihugu yerekanaga uyu musore ukurikiranweho ubujura, yanagaragaje undi muturage wo muri Repubulika iharanira Demokarasi ya Kongo nawe ufunzwe akurikiranweho amafaranga y’amahimbano.

 

Comments

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.