Advertisement
 
 
 
 
 
 
 
 

Amakuru | Mu Ntara | Intara

Rubavu:Umugabo akurikiranweho kubuza umugore we kujya mu biganiro byo Kwibuka   

  Yanditswe na IYAREMYE YVES
 April 2016

 
 

Umugabo witwa Nsengiyumva Pierre, utuye mu murenge wa Rubavu mu karere ka Rubavu, yatawe muri yombi na Polisi y’igihugu, aho akurikiranweho kubuza umugore we kujya kwifatanya n’abandi mu biganiro byo kwibuka ku nshuro ya 22 Jenoside yakorewe Abatutsi.

Uyu Nsengimana Pierre utuye mu kagari ka Buhaza umurenge wa Rubavu, ubwo ibiganiro byatangiraga ngo hari umukecuru baturanye waje kunyura ku mugore we ngo bajye mu biganiro, uyu mugabo akangara cyane umugore we amubuza kujyayo ngo kuko nta ‘biryo’ avanayo.

Abaturanyi n’abarimo babyumva bumvishe bibabajwe cyane n’aya magambo uyu mugabo yabwiye umugore we, bitabaza cyane niko inzego z’umutekano zimuta muri yombi.

Uru rugo rwa Nsengimana ngo rusanzwe rurangwamo amakimbirane, kuko bari bamaze igihe kitari gito bahora bashyamiranye ndetse ngo no mu ijoro ribanziriza iryo ku wa 7 Mata bari baraye barwanye hitabazwa ubuyobozi bw’umudugudu kugira ngo bahoshe ayo makimbirane.

Umunyamabanga Nshingwabikorwa w’umurenge wa Rubavu Imanizabayo Clarisse, avuga ko uyu mugabo n’ubundi nta gikorwa cya leta ajya yitabira, ahubwo byose ngo aba yabisuzuguye.

Yagize ati:“Niba twibuka ku nshuro ya 22 Jenoside yakorewe abatutsi hakaba hakiri abagitekereza gutya ni ikibazo, ingengabitekerezo turwanya iracyabarimo, uyu mugabo akiye gukosorwa n’amategeko n’abandi bakabyigiraho.Birabaje ntaho bitaniye no gushaka gusenya ibyo abandi bamaze kugeraho.”

Umuvugizi wa Polisi y’igihugu mu Ntara y’Uburengerazuba, IP Jean Damascene Hodali, yavuze ko uyu mugabo afungiye kuri sitasiyo ya Polisi ya Gisenyi, ndetse ubu ngo iperereza rikaba rigikomeje.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.