2017-09-23 09:22:12 clouds 27o High | Kigali Rwanda

Dukurikire:
 
 

Rubavu: Umugabo afungiwe gutwikira umukecuru warokotse Jenoside

Yanditswe na IMVAHO NSHYA

Kuya 2017-04-13 08:37:43

 
Share on:
 
Yasuwe:1028
 
Yavuzweho:200
 
10
 
10

Umugabo witwa Bosenibamwe Edward ari mu maboko ya Polisi y’igihugu mu murenge wa Nyamyumba, akarere ka Rubavu akekwaho gutwikira uwarokotse Jenoside yakorewe Abatutsi.

Umuvugizi wa polisi mu ntara y’Uburengerazuba, CIP Theobald Kanamugire avuga ko yatawe muri yombi kuwa 08 mata 2017 akekwaho gutwikira umukecuru witwa
Pfabakuze Rosalie w’imyaka 70 warokotse jenoside yakorewe Abatutsi mu 1994.

Umunyamabanga nshingwabikorwa w’umurenge wa Nyamyumba, Ugirirabino Elizaphan , yemeza ko ku ya 08 Mata 2017 ku masaha y’umugoroba, aribwo Bosenibamwe w’imyaka 31 y’amavuko yafashwe n’abaturage nyuma yo gushaka gutwikira umukecuru w’imyaka 70 witwa Pfabakuze Rosalie utuye mu mudugudu wa Burima akagari ka Rubona umurenge wa Nyamyumba.

Avuga ko Bosenibamwe yafashwe n’abaturage anuka mazutu yanyagije ku nzu y’uwo mukecuru.

Yagize ati “Bosenibamwe yaketswe kuko ubwo bari mu biganiro yasabye uruhushya ko agiye kuryama, mu kanya gato twumva umukecuru ari gutabaza ngo ubwiherero bwe burahiye kandi bwari bufatanye n’inzu abamo, abaturage bahise batabara basanga n’inzu yari igiye gufatwa kuko yari yasutsweho na mazutu,uyu mugabo yahise atabwa muri yombi kuko yaraketswe kandi ibyo yari yambaye byanukagaho mazutu.”

Uyu muyobozi akomeza avuga ko atari ubwa mbere gutoteza uyu mukecuru warokotse Jenoside bibaye kuko n’umwaka washize hari amagambo atari meza yabwiwe.

Gitifu ati ”N’umwaka washize uyu mukecuru warokotse yabwiwe n’abaturanyi be harimo n’uyu wafashwe amagambo amutoteza aho bari bamenyereye kumubwira mu gihe twegereje kwibuka ngo mube ‘mwitegura igihe cyanyu cyo kwibuka kiregereje mujye kuyora amafaranga’.”

Yungamo agira ati ”Ubwo babaga bavuga mafaranga yavaga mu gaseke yakusanyangwa mu gihe cy’ibiganiro, murumva ntabwo umugambi uje nonaha, gusa iperereza rirakomeje.”

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE