Advertisement
 
 
 
 
 
 
 
 

Amakuru | Mu Ntara | Intara

Rubavu: Polisi yatatanyije agatsiko k’Abayisilamu basengeraga mu nzu y’umuturage   

  Yanditswe na Iyaremye Yves
 September 2016

 
 

Ubuyobozi bw’umurenge wa Gisenyi na Polisi yo mu karere ka Rubavu baguye gitumo agatsiko k’Abayisilamu b’Abashiya basengeraga mu rugo rw’umuturage barabahagarika bategekwa kujya basengera mu musigiti usanzwe kimwe na bagenzi babo.

Aba bayisilamu bafashwe babwiwe ko gusengera mu nzu isanzwe bitemewe kuko byamaze kuvumburwa ko inyigisho z’ubuhezanguni ari ho zitangirwa.

Aba bayisilamu b’Abashiya bashinja abo mu gice cy’Abasuni kubabangamira kugeza nubwo babahururije inzego z’umutekano bagamije gutuma umunsi mukuru wabo bari bateguye w’igitambo ubagendekera nabi.

JPEG - 73.3 kb
Abo Bayisilamu basabwe guhagarika amasengesho barimo bakajya mu musigiti

Umuyobozi wabo Gato Hamiss ahamya ko bari mu makosa kuko batigeze babwira inzego z’ibanze ko bazajya basengera mu nzu isanzwe.

Ati :“ Baduhagaritse badusaba kujya tumenyesha inzego z’umutekano, kuko twatangiye tubimenyesha ubuyobozi bw’akagari gusa nta handi twagiye. Ikosa si iry’abadufungiye ahubwo ikosa ni iryacu kuko twasengeraga ahangaha ibyangombwa turabifite bya RGB ariko ntabwo twabisobanuriye inzego zo hasi,tugiye gushaka ibyangombwa ubundi dusenge nk’ibisanzwe”

JPEG - 81.1 kb
Nyuma bahise batatana

Gato Hamiss akomeza avuga ko iyi nzu bayisengeramo ku wa kabiri no ku wa gatanu, akemeza ko badasengera mu musigiti kuko badashobora gusengera hamwe n’Abasuni kandi hari imyemerere imwe badahuriyeho harimo nko kuba Abashiya basenga bakoza umutwe ku kabuye mu gihe abasuni bo batabigenza batyo n’ibindi bitandukanye.

Sibomana Habib Juma nawe w’Umushiya avuga ko kimwe mu byatumye bava mu misigiti ari uko abasuni bahoraga babahohotera bakabakubita.

Ati “ Impamvu tudashobora gusengera hamwe n’abasuni ni uko batubangamira bakadukubita bitewe n’uko hari imyemerere tudahuza, ni yo mpamvu twahisemo gushaka ahantu hihariye dusengera”

JPEG - 94 kb
Babwiwe ko gusengera mu nzu zisanzwe bishobora kuba intandaro zo kwigishwa iterabwoba

Ubwo Minisitiri w’umutekano Sheikh Musa Fazil yagiranaga ibiganiro n’Abayisilamu bo mu Karere ka Rubavu ,yabasabye kujya basengera mu misigiti kuko ngo byagaragaye ko iyo basengera mu ngo mu dutsiko ari ho batangira inyigisho z’ubuhezanguni.

Abashiya basanzwe basengera muri iyo nzu yafunzwe babarirwa muri 50.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.