Advertisement
 
 
 
 
 
 
 
 

Amakuru | Mu Ntara | Intara

Rubavu:Perezida Kagame yasabye abikorera kubyaza umusaruro amakoro   

  Yanditswe na IYAREMYE YVES
 28 March

 
 

Mu ruzinduko yagiriye mu karere ka Rubavu mu mpero z’icyumweru gishize, Perezida wa Repubulika Paul Kagame yasabye abikorera kubyaza umusaruro amabuye y’amakoro agaragara muri aka karere, bayakoramo ibikoresho byifashishwa mu bwubatsi bw’imihanda n’inzu zikomeye.

Yagize ati:“Mutuye mu gace k’amakoro akwiye kubabera kimwe mu bisubizo ku buzima burambye n’ibikorwa bikomeye kandi bifatika, muyabaza neza akaba yakwifashishwa mu bwubatsi n’ibindi.

Ibi bisaba uruganda ruyatunganya, ntimukwiye gutegereza abanyamahanga ngo baze kubafasha kubyaza umusaruro umutungo wanyu, ahubwo mwishyire hamwe muhuze imbaraga noneho nihaboneka n’abashoramari b’abanyamahanga mufatanye kuyabyaza umusaruro.”

JPEG - 204.8 kb
Perezida Kagame aganira n’abikorera i Rubavu

Umukuru w’igihugu yabasabye ibi nyuma y’aho bigaragariye ko ibikorwa remezo byubakishije aya mabuye biba bimeze neza, urugero akaba ari umuhanda w’ahitwa la Croniche wakozwe hifashishijwe aya mabuye kandi ukaba warakozwe neza.

Bamwe mu bashakashatsi bavuga ko uyu muhanda ukoreshejwe amakoro utwara kimwe cya kabiri cy’amafaranga yakwifashishwa mu gukora umuhanda wa kaburimbo, kandi ukaba ushobora kumara igihe kirekire utangiritse.

Dusabe Mabete Dieudonne, uhagarariye abikorera mu karere ka Rubavu, avuga ko nyuma yo kugirwa inama na Nyakubahwa Perezida wa Repubulika, bagiye kwihutira guhura nk’abikorera ngo bakore umushinga wo kuyabyaza umusaruro.

Yagize ati:”Natwe iyo tunyuze ku muhanda umwe dufite ukoreshejwe amabuye yacu bidutera ishema tukumva kandi ntaho utaniye na Kaburimbo, dufite amabuye n’isoko rirahari cyane ko bigabanya igiciro.

Twari tugowe no kubona uruganda rwadufasha ariko tugiye kwishakamo imbaraga ano mabuye agurwe akoreshwe ahantu hatandukanye mu Rwanda, ndetse nyuma tuzasagurire n’abaturanyi ba Kongo kuko bazaba babonye imari dufite.”

Akomeza avuga ko amabuye y’amakoro kuri bo ari impano bahawe n’Imana mu guhugu cyiza, kibafasha kubyaza umusaruro ibyo bafite mu mutekano.

 

Comments

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.