Advertisement
 
 
 
 
 
 
 
 

Amakuru | Mu Ntara | Intara

Rubavu: Ivuriro abaturage bubakiwe rimaze imyaka 6 ridakora   

  Yanditswe na MAGARAMBE THEODORE
 May 2016

 
 

Abaturage bo mu Kagali ka Rubona, Umurenge wa Nyamyumba mu karere ka Rubavu, bakomeje kwibaza impamvu ivuriro ry’ingoboka (Poste de Santé) bubakiwe rimaze imyaka irenga itandatu ridakora, nyamara bararyubakiwe muri gahunda yo kubafasha kwivuriza hafi.

Aba baturage bavuga ko umushinga wo kubegereza ivuriro bawakiranye ibyishimo, bizera ko ntawe uzongera gukora urugendo runini ashaka muganga.

Nyamara magingo aya baracyajya kwivuriza ku kigo nderabuzima cy’ahitwa i Kigufi cyangwa mu mujyi wa Gisenyi, ahantu bose bemeza ko ari kure cyane uvuye i Rubona.

Umwe muri aba baturage witwa Mvuyekure Kibibi Antoine yagize ati “Kuva mu mwaka wa 2010 ni bwo iri vuriro ryuzuye, none twategereje abaganga ngo baze kurivuriramo turaheba, kandi tujya kwivuza kure za Kigufi na Gisenyi tugakora urugendo rurerure, akenshi indembe n’abagore bagiye kubyara kubagezayo bikatubera ihurizo.”

Ubuyobozi bw’Akarere ka Rubavu busobanura ko iki kibazo cyatewe n’uko hari gahunda yo kwegurira abikorera amavuriro nk’aya, kandi ngo kugeza ubu ntibarabona rwiyemezamirimo begurira iri vuriro ry’i Rubona.

Uwineza Francine, ushinzwe ubuzima mu karere ka Rubavu, yagize ati: Icyo twakwizeza abaturage ni uko tutaryamye ahubwo turimo gushaka abikorera ngo batangire kugikoreramo.”

Mu gihe iri vuriro ryaba ritabonye rwiyemezamirimo urikoreramo nk’uko ubuyobozi bw’aka karere bubivuga, inyubako ishobora kuba yasaza ikagwa, dore ko aho iri hamaze guhinduka mu bihuru, bitewe n’uko nta suku ikorerwa.

 

Comments

 
 
Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.