Advertisement
 
 
 
 
 
 
 
 

Amakuru | Mu Ntara | Intara

Rubavu: Imvura yishe abana babiri sekuru ariyahura   

  Yanditswe na MAGARAMBE THEODORE
 May 2016

 
 

Imvura nyinshi yaguye mu kagari ka Rwaza mu murenge wa Rugerero akarere ka Rubavu ku Cyumweru yishe abana babiri sekuru ubyara nyina ahita yiyahura.

Nyina ubyara abo bana, Uwase, watandukanye n’umugabo, yabwiye Imvaho Nshya ko abana be, Ivamwijuru Benjamin w’imyaka icyenda, na Irasubiza Amani w’imyaka irindwi bishwe n’inkangu yagwiriye inzu .

Sekuru wabo, Bavugaruta Stanislas, w’imyaka 60 utuye hafi yaho yahise atabaza abaturage baza gucukura iyo nkangu ariko basanga bashizemo umwuka.

Bajyana imirambo yabo ku bitaro bya Gisenyi, uwo musaza asigara imuhira bagarutse basanga nawe yapfuye yiyahuye yimanitse mu mugozi.

JPEG - 73.4 kb
Inzu yaguye ku bana bahita bapfa

Imvura yasize benshi iheruheru

Iyo mvura kandi yashenye inzu eshatu mu kagari ka Rwaza, icyenda mu ka Rushubi n’izindi ebyiri muri Gisa hose ni mu murenge wa Rugerero.

Inzu nyinshi zaguye zirimo n’iyaguyemo abana ziherereye mu manegeka y’uruhande rw’inyuma rw’umusozi wa Rubavu.

Abasenyewe bacumbikiwe n’abaturanyi, babwiye Imvaho Nshya ko basigaye iheruheru, basaba Leta kubatabarira hafi no kubimura mu manegeka.

Umunyamabanga Nshingwabikorwa w’Umurenge wa Rugerero, Uwajeneza Jeannette yavuze ko batangiye gahunda yo gutabara abo baturage ku bufatanye na Croix-Rouge.

Ati” Turacyabarura ibyangiritse ariko nyuma yaho turatangira gutanga ubutabazi bw’ibanze.’

Uwajeneza yongeyeho ko akarere ka Rubavu na Minisiteri y’Ubutegetsi bw’Igihugu, MINALOC byatangiye kwimura abari mu manegeka, bakaba baramaze kubarurwa.

Si ubwa mbere ibiza bihitana abantu mu kagari ka Rwaza; kuko mu myaka ine ishize bimaze guhitana abantu batandatu.

 

Comments

 
 
Abasukura ibiro by’intara y’Uburasirazuba barasaba ubuyobozi kubishyuriza rwiyemezamirimo
Abasukura ibiro by’intara y’Uburasirazuba barasaba ubuyobozi kubishyuriza rwiyemezamirimo

Abakozi bakora isuku mu nyubako y’ibiro by’Intara y’Uburasirazuba ikoreramo n’akarere ka Rwamagana, barasaba ubuyobozi kubakorera ubuvugizi rwiyemezamirimo ubakoresha akabishyura, kuko ngo bamaze (...)

Rusizi:Ba Agoronome bamaze amezi 7 bategereje moto z’akazi
Rusizi:Ba Agoronome bamaze amezi 7 bategereje moto z’akazi

Bamwe mu bagoronome n’abaveterineri bo mu karere ka Rusizi baravuga ko hari byinshi bikomeje kudindira muri serivisi baha abaturage bitewe nuko batabasha kubageraho, kuko moto batumije zimaze (...)

Burera:Ubuyobozi bwihanangirije ababyuka banywa inzoga  ngo zibatera imbaraga
Burera:Ubuyobozi bwihanangirije ababyuka banywa inzoga ngo zibatera imbaraga

Ubuyobozi bw’akarere ka Burera burasaba abaturage gucika ku muco wo kubyukira ku ntango y’inzoga n’ibigage, ahubwo bakimakaza umuco wo kubyukira k’umurimo, biteza imbere. Ubu butumwa bwatanzwe mu (...)

Rusizi: Ababyeyi barinubira abakobwa babo
Rusizi: Ababyeyi barinubira abakobwa babo "babaturaho" abuzukuru babyaye batiteguye

Bamwe mu babyeyi bo mu murenge wa Rwimbogo mu karere ka Rusizi, baravuga ko bahangayikishijwe bikomeye n’abana babo bata amashuri kubera inda zitateguwe ntibanavuge abazibatera, ugasanga barateza (...)

Muhanga:Hafunguwe ibyumba by’amashuri y’abafite ubumuga
Muhanga:Hafunguwe ibyumba by’amashuri y’abafite ubumuga

Umuganda ngarukakwezi ku rwego rw’Akarere ka Muhanga, wabereye hafi y’ishuri ry’abafite ubumuga, uhuzwa no gutaha ku mugaragaro ibyumba 6 yabo, byatwaye miliyoni 60 z’amafaranga y’u Rwanda. Senateri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.