2017-07-28 06:05:39 clouds 27o High | Kigali Rwanda

Dukurikire:
 
 

Rubavu:Imihanda yubatswe mu byaro yongereye agaciro umusaruro w’ubuhinzi

Yanditswe na IMVAHO NSHYA

Kuya 2017-07-13 12:04:28

 
Share on:
 
Yasuwe:48
 
Yavuzweho:200
 
10
 
10

Abaturage batuye mu mirenge itandukanya igize akarere ka Rubavu bakomeje kwishimira imihanda begerejwe, bemeza ko ibafasha kunoza ubuhahirane, ndetse ikanongerera agaciro umusaruro wabo.

Abaganiriye n’Imvaho Nshya, bagaragaje ko hari ubwo imyaka yabo yababoreragaho babuze uko bayigeza ku isoko, ariko ngo nyuma yaho bubakiwe imihanda, ubu imodoka zijya gupakira umusaruro wabo nta mpungenge.

Aba baturage biganjemo abahinzi b’ibirayi mu mirenge ikora ku birunga harimo Busasamana, Rubavu, Cyanzarwe, Bugeshi na Mudende, bavuga ko kuri ubu imodoka n’amagare abapakirira asigaye agera ku murima neza, ibi bigatuma umusaruro wabo urushaho kugira agaciro.

JPEG - 107.6 kb
Imihanda y’ibitaka itunganyijwe neza yafashije abatuye mu byaro kwiteza imbere

Mukaramba Annonciata, utuye ahitwa ku Gasizi mu murenge wa Bugeshi, yagize ati “Nsigaye nza mu mujyi wa Gisenyi mu modoka kandi mbere byari inzozi, aha n’abahavukiye bagiye gutura ahandi twabaherukaga ubwo bagendaga ntibazagaruke, ariko ubu baraza tukagenderana.

Ikindi turi abahinzi, buriya twari twaragowe aho kugira ngo umusaruro wawe ugere aho imodoka ishomora kuwutwara byasabaga kwikorera ku mutwe, bikaduhendesha.”

Akomeza avuga ko bajyaga gusarura bateganyije amafaranga yo kwikorera ugeza aho imodoka ishobora kubishyikira, ukongera ukishyura imodoka iri bubitware, ibi byose bigatuma nta nyungu umuhinzi abona.

Sinamenye Jeremie, Umuyobozi w’akarere ka Rubavu, avuga ko bimwe mu byo bishimira, harimo kuba imihanda y’igitaka ikoze neza yaregerejwe abaturage, bikabafasha kugera kuri byinshi, ubuhahirane bukoroha ndetse bikanateza imbere ubwikorezi.

Yagize ati “Ubu imihanda yabaye nyabagendwa n’abayobozi basuraga ibice bitandukanye ugasanga basize imodoka kure baragenda n’amaguru, ariko ubu ahantu hafi ya hose haragendwa kandi tunizeza abaturage ko ubuyobozi bwiza dufite buzakomeza kuberegeza imihanda mu bice batuyemo, ariko tunabasaba gufata neza ibyo bamaze kugezwaho.”

Uyu muyobozi akomeza avuga ko gufata neza ibikorwa abaturage begerezwa bijyana no kubibyaza umusaruro, atari ukubigendamo gusa, ahubwo kubyifashisha mu kwiteza imbere.
IYAREMYE YVES

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE