2017-05-27 10:19:18 clouds 27o High | Kigali Rwanda

Dukurikire:
 
 

Rubavu: Imbuto y’ibirayi bahawe yibasiwe n’indwara

Yanditswe na IMVAHO NSHYA

Kuya 2016-06-18 13:39:38

 
Share on:
 
Yasuwe:1
 
Yavuzweho:200
 
10
 
10

Bamwe mu bahinzi b’ibirayi bo mu murenge wa Bugeshi ho mu karere ka Rubavu bavuga ko bakeneye guhindurirwa imbuto kuko iyo basanganwe yibasiwe ni ndwara.

Abo abaturage bavuga ko ikigo cy’igihugu gishinzwe ubuhinzi n’ubworozi cyagakwiye gukora ubushakashatsi ku mbuto y’ihanganira indwara n’ibihe.

Bemeza ko baramutse babonye imbuto yihanganira imihindagurikire y’ibihe ko byabafasha mu buhinzi bwabo.

Uwurukundo Mariya yagize ati“Aka gace kacu dutunzwe n’ubuhinzi bw’ibirayi, udahinze ibirayi uba uri umukene inyuma y’abandi, gusa dufite ikibazo ibirayi duhinga iyo bigeze igihe cy’imvura birwara indwara yitwa urunyo. Mu gihe cy’izuba na bwo twifuza guhabwa imbuto yihanganira izuba bityo ubuhinzi bwacu bukarushaho gutera imbere.”

JPEG - 256.9 kb
Ibirayi ngo bijya byanga kwera bitewe no kutihanganira ibihe ( Foto Mutoni B)

Umunyamabanga nshingabikorwa w’umurenge wa Bugeshi Mvano Nsabimana Etienne avuga ko ku bufatanye n’ikigo igishinzwe gukora ubushakashatsi mu bijyanye no gutanga imbuto nziza, bagiye gushyiramo ingufu mu kubona imbuto yihanganira ibibazo.

Yagize ati: “Ni byo koko usanga rimwe na rimwe imbuto abaturage baba bateye igira uburwayi butandunaye bitewe n’ibihe, ariko dufatanyije n’ikigo cy’igihugu gishinzwe ubuhinzi n’ubworozi kiri mu karere kacu, hari gushakisha imbuto y’ibirayi ngo hashakwe imbuto nziza iberanye n’agace kacu kugira ngo zihabwe abaturage, kandi turizera ko zizaboneka.”

U Rwanda ruri mu bihugu bikataje mu iterambere muri gahunda zitandukanye harimo nk’ubuhinzi n’ubworozi bugenda bwongera umusaruro w’igihugu hifashishijwe uburyo bwo gutubura imbuto nk’uko bitangazwa n’ikigo cy’igihugu gishinzwe ubuhinzi n’ubworozi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE