Advertisement
 
 
 
 
 
 
 
 

Amakuru | Mu Ntara | Intara

Rubavu: Ibibanza 58 000 ntibyatangiwe imisoro   

  Yanditswe na IYAREMYE YVES
 May 2016

 
 

Ubuyobozi bw’Ikigo cy’igihugu gishinzwe imisoro n’amahoro (RRA) n’Akarere ka Rubavu, buhangayikishijwe n’umubare munini w’abantu badasorera ibibanza byabo biri mu karere ka Rubavu.

Imibare yashyizwe ahagaragara na RRA igaragaza ko mu 2015 hari ibibanza 57 929 bitasorewe.

Rwiririza Gashango, umuhuzabikorwa wa RRA mu ntara y’Uburengerazuba, avuga ko mu bibanza 62 224 byagombaga kwishyura imisoro ku bukode bw’ubutaka, ibyasorewe ari ibibanza 4295 byonyine.

Akomeza yemeza ko inzitizi zituma ba nyiri ibi bibanza badasora, ari imyumvire yo kutumva akamaro ko gutanga umusoro n’agaciro kawo mu kubaka igihugu, ibi bikiyongeraho ubufatanye butagendaga neza hagati y’inzego z’akarere na RRA mu gukangurira abaturage kwishyura iyi misoro.

JPEG - 75 kb
Umujyi wa Gisenyi mu karere ka Rubavu (Foto archive)

Umuyobozi w’Akarere ka Rubavu wungirije ushinzwe iterambere ry’ubukungu n’imari Murenzi Janvier, avuga ko iki kibazo kigiye guhagurukirwa, hagakorwa ubukangurambaga bwimbitse, ku bufatanye na RRA.

Yagize ati “Ubu dufatanyije tugiye kuzenguruka ahantu hose hari iki kibazo kuko kudasorera ibibanza ni igihombo ku karere n’igihugu.Tugomba kubereka akamaro k’umusoro no kubabwira ko bakwiye gutanga ibirarane byo kuri uyu musoro w’umwaka ushize”.

Bamwe mu baturage baganiriye n’Imvaho Nshya bavuga ko n’ubwo bazi akamoro ko gutanga imisoro, ariko kuba hakiri bamwe abadatanga uyu musoro ku bukode bw’ubutaka, bamwe babiterwa n’ubushobozi buke, abandi bakawirengagiza nkana, cyangwa se ugasanga hari n’abatazi ko bakwiye kuwutanga.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Ngoma:Imiryango itishoboye hafi 7000 imaze korozwa muri gahunda ya Girinka
Ngoma:Imiryango itishoboye hafi 7000 imaze korozwa muri gahunda ya Girinka

Ubuyobozi bw’akarere ka Ngoma butangaza ko kuva gahunda ya Girinka munyarwanda yatangira mu mwaka wa 2006, kugeza ubu inka zimaze korozwa imiryango itishoboye muri aka karere zimaze kurenga 6928. (...)

Ruhango: Abakora muri VUP bamaze amezi 4 badahembwa
Ruhango: Abakora muri VUP bamaze amezi 4 badahembwa

Abaturage bakora mirimo yo gutunganya imihanda no gucukura imirwanyasuri muri gahunda ya VUP mu murenge wa Kinihira ho mu karere ka Ruhango, baravuga ko bamaze igihe kigera ku mezi ane (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.