2017-10-16 07:05:01 clouds 27o High | Kigali Rwanda

Dukurikire:
 
 

Rubavu: Habineza yijeje abaturage ko azavugurura umubano w’u Rwanda na Congo

Yanditswe na IMVAHO NSHYA

Kuya 2017-08-01 08:05:55

 
Share on:
 
Yasuwe:236
 
Yavuzweho:200
 
10
 
10

Umukandida w’ishyaka riharanira demokarasi no kurengera ibidukikije mu Rwanda, Dr Habineza Frank, yagejeje imigabo n’imigambi ye ku baturage bo mu karere ka Rubavu, abizeza ko nibamutora azavugurura umubano w’u Rwanda na Repubulika Iharanira Demokarasi ya Congo.

Ubwo Dr Habineza yiyamamarizaga mu karere ka Rubavu, ageze mu murenge wa Kanama mu gasantere ka Mahoko, yababwiye ko afite byinshi yifuza gukora mu kuvugurura umubano w’u Rwanda na Repubulika Iharanira Demokarasi ya Kongo, kuko kugirana umubano mwiza n’iki gihugu abibonamo inyungu nyinshi.

Yagize ati “Muturanye n’igihugu cya Repubulika Iharanira Demokarasi ya Kongo, nta bwo tubanye neza nk’uko bikwiye ngo dukomeze kunoza ubuhahirane, mujye guhaha no gucuruza mwisanga nk’uko byari bikwiye.

Hariya ni isoko ryagutse mwe abaturage mutuye mu karere ka Rubavu n’igihugu muri rusange twihariye, tugomba kuribyaza umusaruro, nzahita nshyiramo imbaraga twongere umubano.”

JPEG - 324.1 kb
Umukandida Dr Frank Habineza yiyamamaza i Rubavu

Manishimwe Gaspard, umwe mu baturage batuye Mahoko, bari baje kumva imigabo n’imigambi ya Habineza, yagize ati “Yatugejejeho byinshi byiza ariko usanga ari uguhiga gukomereza aho ibindi byari bigeze, buriya nk’umubano w’u Rwanda na Kongo tubona bigenda birushaho kuba neza nyuma y’aho Umukuru w’Igihugu ahuriye na mugenzi we Joseph Kabila.”

Habineza yibukije abaturage bo muri aka karere ko amatora azaba ku wa 4 Kanama 2017, bityo bakwiye kwitegura neza kugira ngo kuri iyo tariki nyir’izina bazamuhundagazeho amajwi.

IYAREMYE YVES

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE