2017-07-26 14:51:34 clouds 27o High | Kigali Rwanda

Dukurikire:
 
 

Rubavu:Bashavujwe no kuba aba 21 mu mihigo, basaba ibisobanuro ubuyobozi

Yanditswe na IMVAHO NSHYA

Kuya 2016-09-14 09:35:58

 
Share on:
 
Yasuwe:4
 
Yavuzweho:200
 
10
 
10

Abaturage bo mu karere ka Rubavu bavuga ko bakomeje guterwa ishamvu no guhora mu myanya y’inyuma mu mihigo, by’umwihariko bakaba basabye ubuyobozi bw’akarere kubasobanurira impamvu mu mihigo y’uyu mwaka babaye aba 21, kandi akarere kabo ntacyo kabuze.

Abaturage baganiriye n’Imvaho Nshya bavuze ko bumva batewe ipfunwe nuko akarere kabo gasa n’akaciye ingando mu myanya y’inyuma mu mihigo, mu gihe kari mu dufite ubukungu n’umutungo kamere byakagombye kugafasha kuza imbere.

Nyiramahirwe Belancilla ukomoka mu murenge wa Rubavu, yagize ati “Ntacyo tubuze, ubuyobozi turabufite kandi turasobanutse, turabaza ubuyobozi ngo ni iki cyabuze k’uburyo duhora inyuma? dufite impungenge ko ahubwo umwaka utaha tuzaba ku mwanya wa nyuma.

JPEG - 145.1 kb
Umuyobozi w’akarere ka Rubavu, Sinamenye Jeremie nawe ngo yababajwe no kuba uwa 21 mu mihigo (Iyaremye Y.)

Dukwiye kureba icyo gukora kuko biteye isoni, uyu mwanya ntabwo wadushimishije, abayobozi turifuza ko baduha umwanya bakadusobanurira aho bipfira.”

Aba baturage bavuga ko ikigaragarira amaso yabo ari uko ubuyobozi bw’aka karere budashyize hamwe, aho usanga buri muyobozi akora ibye, ahubwo ugasanga hari bamwe banezezwa n’uko ibya bagenzi babo bitagenda neza.

Yagize ati “Nibahere mu tugari, mu mirenge, noneho bemere inama bagirwa kandi ntibagatinye ngo amabwiriza ave hejuru aze yubahirizwe kandi ubuyobozi ari bwo buzi neza aho bipfira.Dukeneye ubufatanye, abikorera n’ubuyobozi bukarushaho kwegerana bizadufasha cyane.”

Umuyobozi w’Akarere ka Rubavu Sinamenye Jérémie we avuga ko yishimira ubufatanye abaturage b’aka karere bakagaragariza, akanashimira kandi abikorera n’abafatanyabikorwa ku ruhare bakomeje kugaragaza mu bikorwa bibateza imbere, binyuze mu kwesa imihigo ihigwa buri mwaka.

Nubwo yababajwe no gusubira inyuma mu mihigo, uyu muyobozi arizeza abaturage ko ahagaragaye intege nke mu kwesa imihigo ya 2015/2016 bafashe ingamba zuko bitazongera, bakazabigeraho bose bahuje imbaraga.

Meya Sinamenye avuga ko umwanya bahawe mu mihigo wabababaje ariko bakawakira, bityo akemeza ko nta gahunda yo guhindura abakozi bafite ahubwo bagiye kwicarana nabo bakarushaho kunoza imikorere.

Yagize ati “Umwaka ushize twari twabaye ku mwanya wa 15 ariko twasubiye inyuma, twabonye aho byapfiriye, harimo kuba twari abanyuma muri mituweli umwaka washize, biyogaze yatudindije, umuyoboro wa Nkomane utarakozwe n’ibindi, ibi rero dufatanyije n’abaturage n’inzego z’ubuyobozi bw’akarere tuzabigeraho.”

Akomeza avuga ko imihigo bagiye kuyitangira mbere aho kurwana no kugera ku bizaba bitararangiye mu minsi ya nyuma, agasaba abaturage n’abafatanyabikorwa b’akarere ubufatanye muri byose.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE