Advertisement
 
 
 
 
 
 
 
 

Amakuru | Mu Ntara | Intara

Rubavu:Barasaba ingurane z’amashyamba yabo amaze imyaka 8 agizwe parike   

  Yanditswe na IYAREMYE YVES
 3 months ago

 
 

Bamwe mu baturage bo mu Murenge wa Nyakiliba mu Karere ka Rubavu, baravuga bamaze imyaka 8 bategereje guhabwa ingurane ku mashyamba ya bo yagizwe pariki, bakaba basaba inzego zibifitiye ubushobozi kubishyuriza.

Aba baturage bishyuza ingurane ni abari bafite ubutaka n’amashyamba ahagizwe igice cya pariki ya Gishwati, ku musozi wa Muhungwe.

Iki kibazo abaturage bemeza ko bakigejeje mu nzego zitandukanye, ariko magingo aya ngo ntikirabonerwa umuti.

Mu mpera za 2009 nibwo ubuyobozi bwafashe icyemezo cyo kugira iki gice pariki, kuva icyo gihe abaturage bagera kuri 400 bari bahabite amashyamba bakaba barategereje ko bahabwa ingurane baraheba.

JPEG - 112.6 kb
Abari bafite amashyamba ahahinduwe parike barasaba ingurane (Foto Iyaremye Y)

Singirankabo Paul, umwe mu bavuga ko batahawe ingurane, yagize ati“Twarategereje ubu dusa n’abahebye, hari bake muri bagenzi bacu bagiye bishyurwa, ariko ikibazo bahora badusaba kuzuza ibyangombwa, rimwe bakadusaba nimero z’indangamuntu, ubundi bakadusaba nimero za konti, ubwo se gukosora utwo dukosa byatwara iyo myaka yose?”

Aba baturage bavuga ko batumva uburyo amakosa yo gutanga ibyangombwa adashobora gukosorwa ku buryo bitwara imyaka 8 yose, bo bagahamya ko kuba batishyurwa ari ubushake buke bw’ubuyobozi bubifite mu nshingano.

Mukasasine Jacqueline, yagize ati“Buri gihe dusiragira ku murenge no ku Karere bakatubwira ko twatanze ibyangombwa nabi, ubwo se abantu magana ane twese twatanze ibyangombwa nabi?

Twe tubona kuba tutishyurwa atari impamvu y’ibyangombwa, turababaye, abenshi ayo mashyamba n’ubwo butaka twari twarabitanzeho ingwate none amabanki atumereye nabi.”

Umunyamabanga nshingwabikorwa w’umurenge wa Nyakiliba, Nzitabakuze Jean de Dieu, avuga ko mu cyumweru gishize bakiriye urutonde ruvuye muri Minisiteri y’umutungo kamere, ruriho abaturage batanze ibyangombwa bituzuye, bakaba bararukosoye ku buryo mu minsi mike bazaba bishyuwe.

Yagize ati“Icyo kibazo twakigejeje ku karere, kandi mu cyumweru gishize twakiriye urutonde ruriho abantu bose batishyuwe bagomba kugira ibyo buzuzuza birimo gutanga amakuru ahagije ku butaka bwa bo ndetse no gutanga nimero z’indangamuntu, bazishyurwa vuba.”

Twagirayezu Jean de Dieu, wari muri Komisiyo yo gutanga ingurane, avuga ko abari bakoze amakosa bayakosoye.

Mu makosa basanze ku rutonde rwoherejwe na Minisiteri y’umutungo kamere (MINIRENA) harimo nko kuba abaturage bataratanze nimero z’indangamuntu zuzuye, kuba batarasinye ku byangombwa by’ubutaka ndetse no kutagaragaza neza ibyo bagomba kwishyurwa.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.