Advertisement
 
 
 
 
 
 
 
 

Amakuru | Mu Ntara | Intara

Rubavu:Bamwe mu bayobozi baranengwa kwaka umusanzu wa mituweli ku gahato   

  Yanditswe na IYAREMYE YVES
 4 months ago

 
 

Bamwe mu baturage batuye mu tugari dutandukanye two mu murenge wa Kanama mu karere ka Rubavu, barinubira uburyo bakwamo amafaranga y’umusanzu w’ubwisungane mu kwivuza (mituweli) bafatirwa imitungo yabo.

Aba baturage banenga bamwe mu bayobozi b’inzego z’ibanze kubaka umusanzu w’ubwisungane mu kwivuza ku gahato hafatirwa imwe mu mitungo yabo harimo amatungo itimukanwa, inka, ihene n’ibindi.

Umuyobozi w’Intara y’Uburengerazuba Mukandasira Caritas, yamaganiye kure iri fatirwa ry’imitungo y’abaturage nk’uburyo bwo kubaka umusanzu wa mituweli, agahamya ko bitemewe namba ndetse bidatanga umusaruro mwiza.

JPEG - 75.2 kb
Mukandasira ntiyemeranya n’abayobozi bishyuza ku gahato

Guverineri Mukandasira asaba abayobozi b’inzego z’ibanze babikora kubireka vuba na bwangu, ahubwo bagashyira imbaraga mu bukangurambaga, ku buryo abaturage batanga umusanzu wa mituweli bibavuye ku mutima.

Mukamana Emilienne, umuturage wo mu murenge wa Kanama, ni umwe mu bahamya ko hari abayobozi mu nzego z’ibanze babaka umusanzu wa mituweli ku gahato.

Yagize ati:«Baraza bakazitura inka cyangwa irindi tungo ngo mpaka utanze mituweli, iyo ufite itungo bararijyana kugira ngo uzarikurikire mpaka utanze mituweli, kandi hari n’ubwo barigurisha, ibaze inka y’ibihumbi 400 hakenewe ibihumbi 3000 gusa, ubu buryo buratubangamiye.»

We n’abandi baturage batandukanye bavuga ko ibi bitari bikwiye, ahubwo bagasaba inzego z’ibanze gukora ubukangurambaga aho kubaka amafaranga ku gahato bafatirwa n’amatungo n’indi mitungo, ahubwo bakayatanga babyumva neza.

Gakuba Pascal, umunyamabanga nshingwabikorwa w’akagari ka Kamuhoza, mu murenge wa Kanama, ahakana ibivugwa n’abaturage, aho yemeza ko ntaho byigeze biba ko umuturage afatirwa amatungo ngo atange mituweli.

Aragira ati:«Ntabwo bishoboka, bibaye biriho bafite ubuyobozi n’inzego bakwitabaza kandi ntabwo twabikora kuko abadukuriye ntibabidutumye, abaturage barabeshya. »

Mukandasira Caritas, Guverineri w’Intara y’Uburengerazuba, yamaganira kure ubu buryo bivugwa ko bukoreshwa n’abayobozi b’inzego z’ibanze baka abaturage mituweli ku gahato, ndetse agahamya ko bitemewe.

Yagize ati:«Nta muyobozi twigeze twemerera gufatira amatungo cyangwa kwaka mituweli ku gahato ntibyemewe, abayobozi bongere ubukangurambaga, ndasaba abaturage kumva akamaro ko kugira ubwisungane mu kwivuza kuko ari kimwe mu bibafasha kugira imibereho myiza.Ikindi umuyobozi uzabikora bikamenyekana azakurikiranwa n’amategeko».

Akomeza ashimangira ko ubu bagiye gukora ubushakashatsi bareba niba koko abaturage bafatirwa amatungo kugira ngo batange mituweli, kugira ngo uwo bizagaragara ko yitwaye nabi abuhanirwe.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.